Dinala na rin nina Fermie at Kia si Baby Gabriel sa kaniyang pediatrician para sa unang immunization nito. Nandoon lagi si Badong para sa kanila. Natutuwa silang paglaruan ang cute na cute na sanggol. Nagbigay ng pera si Badong kay Fermie para pandagdag sa immunization ni baby. Si Kia na rin ang bumili ng vitamins nito at diaper.
"Nahihiya na ako sa inyong dalawa. Para akong namamalimos sa inyo para kay baby Gabriel. Hayaan ninyo kapag nakapasok na ako sa trabaho makakabayad din ako sa lahat ng utang ko sa inyo.”
"Anong utang ang pinagsasabi mo, Bes? Masaya kami para sa inyo ng anak mo, huwag mo nang isipin ang mga ganiyan. As long na kaya namin ni Badong wala kang alalahanin.” Ipinadama ni Kia sa kaniya ang suporta nito anuman ang mangyari.
"Tama si Kia, Fermie. Para sa kabutihan ni
