PART LXXVIII (Jan. 10)
Dahil sa nangyari ay laging tulala na si Fermie. Madalang na lamang siyang nakikipag-usap kay Kia. Dinibdib niya nang husto ang ginawa ng binata sa kaniya. Hindi niya mapigilan ang palagiang pag-agos ng kaniyang mga luha. Aniya, masakit pala ang unang pag-ibig at tila nawasak ang kaniyang mundo. Hindi siya nakadalo sa oath taking para sa kaniyang pagiging teacher dahil sa natatakot siyang malaman ng kaniyang mga classmates ang tunay niyang kalagayan. Marami ang tumatawag sa kaniya at nagtatanong kung nasaan siya ngunit ni isa ay hindi niya nireplayan.
Masyado na ring nag-alala si Kia para sa kaniya. Matinding awa ang nararamdaman niya para sa kaibigan. Parang hindi na rin niya alam kung paano aluin ito sa tuwing umiiyak sa kaniyang kama si Fermie. Ramdam na ramdam
