Walang humpay sa pagkuha ng litrato pagkatapos ng simpleng seremonyang iyon. Sa buong buhay ni Fermie ngayong araw na iyon ang pinakamaligaya para sa kaniya dahil kahit may bahid ng lungkot at ‘di pagkakaunawaan sa buhay-kaibigan at pag-ibig niya ay naroon pa rin sa kaniyang harapan ang mga taong mahalaga sa kaniya.
"Congratulations, Fermie! You deserved these awards. Pinaghirapan mo ito. Natutuwa kami na kahit sa ganitong paraan ay hindi namatay ang iyong pangarap. Katulad ng muling pagbalik ng iyong heartbeat magpapatuloy ang iyong nasimulan," sabi ni Professor De Guzman at niyakap na rin siya.
May ibinigay pang cash award ang mga professors at staff ng SSU para kay Fermie. Walang pagsidlan ng saya at tuwa ang kaniyang puso. Dream come true aniya. Ini-off na ang video at walang humpay
