"MA'AM Ciella," nagulat na sabi kay Graciella ng tauhan niyang si Martina nang dumating siya sa restaurant. "Mabuti naman po at nagpunta na kayo rito, nag-aalala na ho kami sa inyo, eh."
Halos mag-iisang linggo na nga siyang hindi nagpunta roon, malaki naman ang tiwala niya sa mga tauhan niya kaya alam niyang wala siyang magiging problema kahit ilang araw siyang hindi magpunta rito.
Tipid niya itong nginitian. "Salamat sa pag-aasikaso ninyo rito habang wala ako."
Nakangiting tumango ang babae. "Gusto ho ba ninyo ng kape? Dadalhan ko po kayo sa loob ng office ninyo."
"Thank you," tipid niyang sabi bago siya dumiretso sa kanyang opisina.
Nang makabalik siya ng Maynila buhat sa reunion nila sa Pampanga kahapon ay minabuti niyang tanggapin ang alok ni Rosemarie na doon muna siya sa apartm
