MYRA's POINT OF VIEW
NAMULATAN ko ang mga brasong nakayakap sa akin nang magising ako kinabukasan. Napangiti ako ng tipid nang maalala ko ang nangyari sa amin ni Victor kagabi.
Tinitigan ko ang bawat parti ng mukha nito, ang makakapal na kilay, malalantik na pilik mata, ang matangos na ilong at maninipis na labi, na halos kagabi lang ay natikman kong muli ang mga halik nito.
Gusto kong umasa sa mga ipinapakita sa akin ni Victor, ngunit pag maiisip ko ang babaeng laman ng puso nito ay para bang agad din akong nawawalan ng pag-asa.
"Mahal na mahal kita, Victor. Sana dumating din ang araw na magkaroon din ako ng puwang diyan sa puso mo," mahina kong sambit, saka ko ito dinampian ng magaang halik sa labi.
Pagkatapos ay dahan-dahan akong bumangon, at dumiretso sa banyo upang mag-shower.
V
