“Ascella, gising na! Alas-diyes na!”
Napaikot ako sa kasama nang marinig ang boses na ‘yon ni Mama pero nagtalukbong lang ako ng kumot.
“Kanina pa yata tumutunog ‘yang alarm clock mo!”
“Opo, Ma! Five minutes…” inaantok na sabi ko.
Mayamaya pa ay narinig ko ang pagbukas ng pinto ng kwarto ko. “Ang sabi mo ay marami kang gagawin ngayon kaya gigising ka nang maaga,” rinig kong sabi ni Mama.
Ilang sandali pa ay napadilat na ako nang tuluyan bago bumangon mula sa pagkakahiga. Kinuha ko ang cellphone ko at tiningnan ang oras. Alas-diyes na nga.
“Pagkatapos mo riyan, bumaba ka na rin agad. May almusal na roon,” sabi pa ni Mama bago naglakad na palabas ng kwarto ko.
“Sige po,” papungas-pungas na sabi ko bago tumayo na mula sa kama. Tiningnan ko ang maliit na kalendaryo na nasa study t
