"Ano ba 'yan," inis kong bulyaw sa cellphone kong kanina pa nag-ri-ring. Hindi ko muna ito pinansin at sa halip ay nagtalukbong ako ng kumot.
Sinubukan ko pang bumalik sa pagtulog pero nawalan na ako ng pasensya nang mag-ring ito nang tatlo pang beses. "Triple sh*t. Kaaga-aga pa, oh," inis na bulong ko bago bumangon mula sa pagkakahiga.
Kinuha ko ang cellphone mula sa side table at halos mapairap nang makita ang pangalan ni Nathan sa screen. Ano bang kailangan nito at ang aga namang mambulabog.
"Hello?" pagsagot ko sa tawag.
"Hi, Sage," bungad nito. "Good morning."
"Yeah, morning. Anong meron at ang aga-aga, napatawag ka?"
"Maaga? Check your phone. Alas diyes na."
Huh? Alas diyes? Parang kakatulog ko nga lang. How come na alas diyes n—triple sh*t, alas diyes na nga!
"Patay. May m
