"Hijo, bakit nauna na naman sa'yo si Allena?" tanong sa akin ng aking mudrabels na si Winnie. Ganda ng namesung 'di ba? Parang host lang ng Umagang Kayganda.
Nakita niya akong nag-aalmusal pa lang at nag-iisa ako dito sa lamesa. Umalis na kasi si Allena. Hindi na niya ako hinintay dahil maaga siyang sinundo ni Dan. Sakay sila ng motor nito. Ilang araw na rin silang magkasabay pumasok pero parang hindi pa ako sanay na sa iba sumasabay sa pagpasok si Allena. Hindi ko naman siya mapigilan, siguradong tumibok na naman ang puso niya sa maling pag-ibig. Tsk. Marupok talaga.
"Sinundo na naman kasi siya ng suitor niya," sabi ko habang ngumunguya.
"Pinapayagan mong ligawan si Allena ng iba?" Umupo siya sa silyang nasa tabi ko. Gulat na gulat ang kanyang reaksyon.
"Oo naman. Bakit ko naman siya
