Maaga ulit akong gumising para harapin ang lalaking ipapakilala sa akin ni Dan. Hindi ko na hinintay si Nikki. Request din kasi ni Dan sa akin na kung maaari ako lang muna daw ang makaalam kung sino ang admirer ko. Sumang-ayon naman ako.
Tumayo ako sa locker ko at naghintay sa pagdating ni Dan. Ilang minuto lang din naman ay dumating na rin ito.
"Hi," bati ni Dan sa akin.
"Hello," ganting bati ko rin. Tumingin ako sa kanyang likuran kung may kasunod siyang parating pero wala. Kumunot ang noo ko. "Teka, akala ko ipapakilala mo sa akin iyong naglalagay ng mga regalo dito sa locker ko?"
"Oo. Ipapakilala ko nga siya sa'yo ngayon."
"Kung ganoon, nasaan na siya?"
"Kaharap mo na, Allena."
"Ha?" Lalo akong nagtaka sa sinabi niya. Siya lang naman ang kaharap ko.
May kinuha siya sa loob ng
