Sabay ulit kaming pumasok ni Nikki sa trabaho. Tutal isa lang ang shift namin at nasa iisang bahay lang kami, araw-araw kaming magkasabay.
"Libre kita mamaya para makabawi naman ako sa'yo," sabi ko kay Nikki. Sahod na namin mamaya kaya malakas ang loob kong manlibre. Siya kasi ang palaging taya sa aming dalawa kapag kumakain kami sa labas.
"Huwag na, ilaan mo na lang ang pera mo sa gatas ni Danaya," tanggi ni Nikki.
"Tumatanggi ka na sa libre a," sabi ko pa saka binuksan ang aking locker.
"S'yempre ngayon lang ito dahil alam kong mas kailangan mong magtipid. Mahal kaya ang gatas at diaper. Ayoko namang balang-araw sisihin mo ako na wala ka ng ipon para sa future ng anak mo."
"Magkano lang naman ang large fries at burger e," giit ko pa.
"Kahit na. Ako na lang ang manlilibre sa'yo. Sak
