Chapter 12 – Mga Lihim na Unti-unting Lumalabas
Sa unang pagkakataon matapos ang ilang linggong pagkaka-kilala, ramdam ni Lia na unti-unti nang lumalapit ang mundo niya kay Marco. Hindi lang dahil sa mga simpleng deliveries o sa mga tuksuhan ng kanilang mga kaibigan, kundi dahil sa mga sandaling napapansin niya ang mga bagay na hindi agad sinasabi ng binata. May mga titig, may mga bitin na salita, at may mga kilos na parang may itinatago.
Isang gabi, habang nakaupo si Lia sa kanyang balkonahe, nakatingin sa mga ilaw ng lungsod, biglang nag-vibrate ang kanyang cellphone. Isang mensahe mula kay Marco:
Marco: “Gising ka pa?”
Lia: “Oo, bakit?”
Marco: “Pwede ba kitang tawagan? Saglit lang.”
Nagdalawang-isip si Lia pero tinanggap niya ang tawag. Rinig niya agad ang malalim na hinga ng bina
