Chapter 59
Mark
Maingat kong ibinaba si Julie sa monoblock chair sa sala. Ramdam ko pa rin ang paninigas ng kaliwang binti niya habang inaalalayan ko siya. Inilapit ko ang maliit na timba ng maligamgam na tubig, binabad ang tuwalya, at marahang pinatong sa parte ng binti niya na napulikat.
“Relax ka lang. Huwag mong galawin muna. Pahinga ka lang,” sabi ko, habang pilit pinapanatili ang mahinahong tono ng boses ko.
Tahimik lang siya. Hindi ako tiningnan. Nakatingin lang siya sa sahig, mariin ang pagkakahawak sa laylayan ng kanyang daster. Ramdam kong nahihiya siya—o baka nagagalit sa sarili dahil pinakitaan niya ako ng kahinaan. Pero wala akong balak gamitin ‘yon laban sa kanya.
“Ako na maglalaba,” dagdag ko. “Hindi mo na kailangan bumalik sa banyo," dugtong ko.
Napatingin siya sa aki
