Kabanata 53
Mark
Lumapit ako ng isang hakbang. “Hindi ko alam kung paano humingi sa'yo ng tawad. Pero narito ako ngayon. Nasa harap mo. Gusto kong maayos ka. Maayos tay-"
“Buntis ako, Mark,” mariing sabi niya, diretso sa mata ko. “Sa tingin mo, ayos ako?”
Hindi ko alam ang isasagot.
Alam kong hindi niya kailangang marinig ang “pasensya na,” o “hindi ko sinasadya.” Alam kong wala na akong pwedeng sabihin na agad magpapagaling sa sugat na iniwan ko.
Pero kahit ganoon, narito ako. Masaya ako na magkakaanak na kami.
At alam ko hindi niya ako mapapatawad kaagad.
“Hindi ako andito para sa sarili ko, Julie,” sabi ko sa wakas. “Andito ako kasi gusto kong... kahit papaano, bumawi. Hindi ko hinihingi ang kapatawaran mo. Gusto ko lang marinig mo na... nagkamali ako. At gusto kong ayusin ang t
