رواية لم أكن أنتويه حباً فأصبح بالحلال عشقاً الجزء الثاني

الحلقة التاسعة

حضرت مشروب شوكولاتة للأطفال و نادت عليهم عشان يشربوه بالمطبخ

واخدت صنية القهوة و خرجت متوجهه لغرفة المعيشة وهي بتوصي الاولاد ياخدوا بالهم وهما بيشربوا

سمعت كلامهم وهي داخله الي كان كله عن عادات الصعيد القديمة و ظلمهم للمرأة

قدمت القهوة ليهم وقعدت ساكته تمسع طريقة هجومهم على ستات الريف والقرى و دفاع هويدا الي كانت بتحاول توضح لخالها ان الدنيا اتغيرت و الحياة عندهم اصبحت زي القاهرة بإختلاف تحفظاتهم

ادخلت أميرة بحديثهم وقالت " بس انتوا ليه حجمتوا الظاهرة و ركزتوا على الصعيد بس ونسيتوا قرى مصر وكمان العالم كله فبرغم كل الحداثه و التعليم إلا ان ظلم المرأة مازال موجود باختلاف اشكاله منهم الي يجبرها على الجواز لمصالح الاهل ?، و منهم يعيش ويموت بخدمة الناس بالرضا او غير الرضا? دنا حتى سمعت ان الست لحد النهاردة بحقول الشاي بمدن تركيا بتنزل تزرع وتحصد ايديها بأيد الراجل وهي مجبورة على ده حتى انهم بيبقوا متفقين قبل الجواز على مشاركة العمل "

ردت هويدا لتأكد على الي بتقوله ميرا " اه والله يا خال انا شفتها بمسلسل تركي كان اسمة البحر الاسود الستات بينزلوا يشتغلوا مع رجالتهم في حقول الشاي و جمع الفاصوليا البيضا "

كملت اميرة وهي بتبص لمامتها " بس انا شايفه ظلم المرأة الحقيقي مش بس بالجهل وظلمها بالقرى و المناطق النائية لأنها اوقات كتيره بتبقى بتعمل ده بدون متشعر بالقهر والظلم ده ، و كمان في منهم بيتنافسوا عشان يوصلوا لمكانه اكبر عند ذاويهم ، ولكن الظلم الحقيقي هو الي شايفينه حولينا و الي المجتمع بيفرضه على الست بانها تشتغل و تراعي اولادها الي لازم يكونوا ناجحين و طبعا لازم بيتها يكون نضيف و اكلها جاهز و فوق ده راضيه اهل جوزها و مش مقصرها بالمجاملات و لا الزيارات العائلية ولا العزومات الأسبوعية ، و كلنا شايفين العبئ ده بدون منعلق عليه و كأنه اصبح فرض على المجتمع انه يحط كل حاجه على المرأة بدون كلمة شكر حتى ، و اذا غلطت او قصرت بعمل صغير او طفلها غلط او رسب بامتحان الدنيا تقوم ومتقعدش و كله يرمي الذنب عليها ?، طبعا بخلاف الراجل سي السيد الي ينزل معاها الصبح الشغل زيه زيها ويرجع الباشا معاها بنفس الوقت، طبعا رجوعهم مع بعض مش مبرر انها ماتكونش مجهزه البيت والاكل واللبس النضيف المكوي، لا وكمان الباشا بعيون قوية يزعق لو اتأخر الاكل و يقعد يقولها الملح زياده و مش بعمول برضا ، وطبعا الغلبان يتخنق و يخرج بعدها ليغير جو مع اصحابه عشان اتخنق من دوشة البيت و طلبات الاولاد ، و بالأخير كتير منهم يروح يتجوز ولا يحب عليها ويرميها هي وعيالها او ي**نها او يقضيها احلام وعدم رضا ويطفحها بعيشيتها فوق ما هي على اخرها "

ردت هويدا وهي فاتحه بوقها وقالت " ايوه يا بنت خالي عندك حق "

كملت ميرا وقالت لامها " علقتوا على المرأة المظلومه بالريف و نسيتوا ان المرأة عندنا اكثر ظلماً ولكنها عشان لابسه زي الحداثه محدش قادر يشاور ويقول حرام ميصحش الست تتحمل كل ده?، ولكن الست الي بتعمل وهي راضيه ببيتها ومش متبهدله في الموصلات و اسواق الخضار و المستشفيات وغيره وغيره هي الي غلط بس بمقارنه صغيرة هتلاقي الاتنين مظلومين و بل الي عندنا مظلومين اكتر لانهم اتحرموا من الراحة النفسية بتاعت اهل الريف "

ردت سمية على بنتها وقالت " هو انا ليه حاسة انك بتوجهي عليا اللوم و كأني انا الي ظالمة الستات، انا طول عمري ضد اي اهانة وظلم لأي حد اذا كان ست او راجل محدش يحق ليه يظلم اي شخص "