SA lahat yata ng estudyante, ako lang ang hindi masaya ngayong araw.
Araw na ng christmas party na inaabangan ng lahat. Bukod sa party na magaganap, matapos nito ay christmas break na. Mahaba-haba na naman ang araw na walang pasok.
Bumuntong hininga ako at hinagis sa kung saan ang hawak kong damit. Kanina pa ako namimili ng isusuot pero wala akong mapili. Kung huwag na lang kaya akong um-attend? Kaso hindi ko naman puwedeng gawin 'yon.
Naupo ako sa harapan ng vanity mirror at pinagmasdan ang sarili.
Kung nandito lang sana si Hestia, siguradong tutulungan niya akong mamili ng susuotin na damit habang tinatarayan pa. Aayusan ako ng buhok, pagsasabihan akong huwag masyadong maglagay ng makeup, at kung ano-ano pa.
I miss her... I miss my bestfriend.
Hindi ko alam kung anong nangyari
