NAPATANGA ako sa narinig kay Chaos. Natulala ako sa harapan niya.
Wala akong masyadong alam sa Spanish words, pero alam ko kung ano ang ibig niyang sabihin sa sinabi niya dahil minsan ko na ‘yon sinabi sa kanya. Noong mga panahon na nagpapapansin ako sa kanya.
Pero tama ba talaga ang narinig ko?
Nanatiling nakatitig si Chaos sa akin na tila hinihintay akong magsalita.
Napalunok ako at kumurap-kurap para maibalik ang sarili sa wisyo. “Kung ganoon... bakit ngayon mo lang inamin ‘to sa akin?”
“I got scared,” he confessed. “Sa ilang taong pagpapansin mo sa akin, panay rin ang pagpapansin mo sa ibang lalaki. At sa tuwing nakukuha mo na ang atensiyon nila, bigla mo na lang silang babalewalain. Your reason? Wala na kasing thrill.”
Napalabi ako sa sinabi ni Chaos.
“Sino ang hindi matatakot
