"Sky, ready ka na?" tanong ni Millet kay Sky.
"Opo, Tita. Medyo kinakabahan lang na parang excited," sagot niya at isang matamis na ngiti ang ibinigay niya rito.
Nakatayo naman ang ama ni Sky sa tabi niya habang napapaluha.
"Papa…" kapagkuwan ay hinawakan niya ang kamay ng ama.
"Dalaga ka na talaga. Baka hindi magtagal ay mag-asawa ka na," sabi nito habang pinupunasan ang mumunting luha sa mata.
"Si Papa talaga masyadong palabiro," wika naman niya bago bumaling kay Millet. "Salamat sa enggrandeng birthday party, Tita. Tatanawin ko po itong malaking utang na loob."
"Sky, parang anak na rin ang turing ko sa'yo." Niyakap naman siya ni Millet bago iginiya patungong pintuan kung saan siya lalabas para salubungin ang palakpakan ng kaniyang mga bisita.
Paglabas ni Sky
