MABILIS na lumabas si Red sa basement. Gusto niyang habulin ang babae, ngunit napatigil siya nang marinig ang boses ni Vivian.
“Sweetheart, where are you?”
“I’m here!” pabatid niya sa nobya. Kasalukuyang nasa kusina siya.
“Kanina pa kita hinahanap, andito ka pala,” wika ni Vivian nang makita siyang umiinom ng tubig.
“Nauuhaw kasi ako, eh. Ang himbing ng tulog mo, hindi na kita ginising.”
“Magtatampo na sana ako sa ‘yo, akala ko umuwi ka na habang natutulog ako.” Malambing nitong ipinulupot ang mga braso sa leeg niya. “Naiinitan ako. Baka gusto mong samahan akong maligo sa pool? Paliligayahin kita ulit. Gusto kong sulitin ang gabing kasama ka, sweetheart.”
“Alas tres na ng madaling-araw,” ani Red. “Bumalik na tayo sa kuwarto mo para magpahinga.”
Natutukso siyang tanungin si Vivian tu
