INILAYO ni Jewel ang kanyang katawan kay Yaya Lourdes. “Yaya, may mga bagay akong gustong itanong sa iyo. May sikreto ba sa pagkatao ko? Bakit galit na galit si Mama sa akin? Lagi niya pinamumukha sa akin na isa akong kahihiyan sa aming pamilya.”
“J-Jewel…” Malungkot na sinapo nito ang kanyang mga kamay.
“Nakikiusap ako, Yaya Lourdes. Para sa ganap na ikatatahimik ng kalooban ko. Lagi akong nangangapa sa kawalan kung anong nagawa kong kasalanan para magdusa sa piling ng aking ina.” Walang humpay na tumulo ang kanyang mga luha. “Pakiusap, sabihin mo sa ‘kin kung may nalalaman ka sa pagkatao ko. Karapatan kong malaman ang totoo. Ampon lang ba ako o kaya‘y anak sa labas ni Papa?”
Humugot ito ng isang malalim na hininga. Dahil sukol na, wala nang pagpipilian ang matanda. Naisip nito, panaho
