KAGIGISING lang ni Rochelle nang hapong ‘yon nang makarinig ng sunod-sunod na katok sa pinto.
Sino kaya itong nasa labas at tila balak gibain ang dahon ng pinto? tanong ni Rochelle sa isip.
“Sandali!” sigaw ng babae. “Kapag nasira ang pinto, ikaw ang pagbabayarin ko niyan!”
“Rochelle.”
“Ay kabayo!” bulalas nito nang pinagbuksan ng pinto si Red. “A-anong ginagawa mo rito? Halika, pasok ka.”
“Salamat,” ani Red nang makapasok sa inuupahang apartment ng babae.
“Maupo ka muna at ikukuha kita ng maiinom na tubig,” aligagang sabi nito.
“No, thanks. Hindi naman ako magtatagal, Rochelle. May itatanong lang sana ako sa ‘yo.”
“Pasensiya na, hindi ko akalain na ikaw pala ang kumakatok sa labas. Mainit kasi kaya naka-bra lang ako kapag natutulog,” paliwanag agad ng babae nang mapunang medyo naa
