INIS na umupo sa sofa si Sonia. “These high heels are killing me!”
“Good afternoon, Mama.” Ibinigay ng dalaga sa ina ang maliit na brown envelope.
“Ano 'to?” kunot ang noo na tanong ni Sonia. “Wala akong panahon sa mga kalokohan mo, Jewel. Nakita mo nang kauuwi ko lang galing trabaho. Pagod ako!”
Gamit ang kanyang mga tuhod, umupo siya sa harap ng ina at hinubad ang high heels shoes na suot nito. Pero tulad ng dati, sinipa siya nito sa braso. Sanay na siya kaya hindi niya iyon pinansin.
“P-pregnancy test result,” halos hindi siya makahinga na hayag niya. Pinatunog niya ang kanyang mga daliri sa kamay. Mannerism niya, lalo na kapag kinakabahan siya.
Kitang-kita ni Jewel ang biglang pagkislap ng mga mata nito matapos tingnan ang kanyang prenatal check-up.
“Totoo ba ito?” nakangiting ta
