ISANG buwan nang lumipas hindi pa rin dumarating ang monthly period ni Jewel. Hindi siya ignorante sa kalakaran kung paano mabuntis ang isang babae. Malakas ang kutob niya. Halo halong emosyon ang kanyang nararamdaman. Kagalakan, takot, kaba. Kailangan niyang tiyakin na tama ang kanyang hinala.
Kinakabahan siya pero nakangiti habang kinukuha ang cell phone niya sa tokador. Dahil hindi siya pinayagan ng ina na gumamit ng telepono. At kung may tumawag sa kanilang bahay, wala siyang karapatang sagutin iyon.
Tumayo siya mula sa kinauupuan niyang kama. Tinungo niya ang pinto at ni-lock ito. Hindi siya pwedeng makitang may hawak na cell phone ng kanyang ina, lalo na't nasa bahay nila ito kasama ng nobyo nitong si Atty. Delgado.
Nalaman niyang abogado pala ang lalaki. Palihim niyang sinundan
