Magulo, maingay at masaya. Iyan ang kaganapan sa mansion nila Carol. Na kahit si Astaroth na nanahimik sa isang gilid ay napilit niyang kumanta at sumayaw at dahil sobra siyang natutuwa ay pinakuhanan niya pa ito ng larawan ay video sa kaniyang Kuya Charles na ngayon ay bagsak na nang dahil sa rami ng ininom na alak—same as her Father.
"Hindi ka pa ba inaantok?" malumanay na tanong sa kaniya ng kaniyang Ina habang pinagmamasdan ang mga taong nagsasaya sa ibaba.
"Hindi pa po," marahang sagot naman ni Carol habang taimtim na pinakatitigan si Astaroth na napapalibutan ng kababaihan.
Kasalukuyan silang nasa veranda ng kaniyang Ina kaya naman ay kitang-kita niya ang mga pangyayari sa baba at hindi nakaligtas sa asul na mga mata ni Carol ang paghaplos ng isang babae sa braso ni Astaroth da
