2

1002 Words

في الفيلا سعاد وجواهر قاعدين وحياة دخلت تدخل الحاجات في المطبخ وتحط كل حاجة مكانها وبعد ربع ساعة كانت خلصت رغم ان الحاجات كانت كتير الا انها خلصت بسرعة لانها بقت تعتبر متعوده وراحتلهم حياة: حضرتك عايزة حاجة تاني جواهر: تشربي ايه بقي سعاد:لا شكرا ولا اي حاجة جواهر : لا طبعا مينفعش بصي انا هقوم اجيبلك عباية من عندي وانتي تديني دي اغسلهالك وابقي اديهالك بكرة او قي اي يوم وانتي ترجعي العباية هروح اشوفهالك عقبال ما تقوليلها تشربي ايه جواهر قامت من غير ما تستني رد سعاد سعاد: حبيبتي هو انتي ايه الي مخليكي تشتغلي هنا رغم المعاملة الوحشة الي بيعاملوكي بيها دي حياة عينها دمعت سعاد: بصي انتي لو مش لا قيه مكان تاني انا ممكـ... حياة مقاطعة:دول اهلي يا طنط .. دي مامتي بس انا مبقولهاش مامتي بقولها حضرتك علطول عشان هي مبتحبنيش اقولها ماما سعاد: اتصدمت جدا لما سمعت كده وقالت بصدمة: ايه بنتها حياة بصت في الارض بعدين بصتلها بابتسامة حزينة وم**ورة: اه عادي يا طنط في حاجة سعاد فضت مصدومة ومبتردش وفجاة جت جواهر جواهر: اتفضلي يا ستي تعالي بقي اوريكي .... ايه ده انتي مطبتيش حاجة تشربيها سعاد : لالا انا مش عايزة حاجة شكرا جواهر طيب تعالي بقي عشان تغيري ولسة سعاد هترد لقت الموبايل بيرن فردت -الو -كشري ايه بس يا احمد مش هلحق اعمل -ايه لا مانا مش هعرف لاني مش فالبيت -عند واحده صاحبتي لما اجي هبقي افهمك -هحاول بس مش هقدر - ياابني اشتري جاهز ايه بس انا هروح علطول -طيب يا حبيبي سلام ماشي هحاول سعاد : معلش ده ابني بس ... كنتي بتقولي ايه جواهر : لو عايزك تجيبيله حاجة انا ممكن اخلي حياة تجيبلك الي انتي عايزاه سعاد: لالا مش مهم وكمان هو عايز كشري واقرب محل كشري بعيد اوي عن هنا جواهر : مش مهم .. انت كام واحد سعاد: لالا مش ... جواهر لحياة بجفاء وهي بتطلع فلوس: خدي وروحي اشتري 4 علب كشري بسرعة حياة: طيب اروح ازاي الفلوس علي قد الكشري جواهر بزعيق : روحي مشي وانا مالي انا غوري يلا حياة جريت بسرعة ومشيت وجواهر اخدت سعاد عشان تغير وسعاد كانت مصدومة جداا ---------------------------------------------------- حياة خارجة من الباب لقت امير داخل امير : ايه يا يويو رايحة فين حياة قالتلة الموضوع باختصار امير: طيب تعالي اوصلك لاقرب محل ونرجع حياة بخضة: لالا عشان خاطري لا ممكن بابا او ماما يشوفوك وميخلوناش نتكلم تاني امير بحزن: طيب معاكي فلوس مواصلات حياة بصت في الارض ومردتش امير طلع فلوس واداها لحياة وقال : خدي واركبي تا**ي عشان متتاخريش ماشي وخلي بالك من نفسك حياة بابتسامة : ماشي ومشيت ---------------------------------------------------- في التا**ي حياة قاعدة ورا وقعدت تفتكر حياتها مع اهلها ودموعها بدات تنزل من عينها سواق التا**ي كان راجل كبير وطيب اخد باله منها فقال|: ايه مالك يا بنتي حياة اتخضت ومسحت دموعها وقالت: لالا عادي مفيش حاجة الراجل: يا بنتي اعتبريني ابوكي وقوليلي مالك يمكن الاقيلك حل حياة في سرها بالم: بلاش تبقي زي ابويا الراجل: بتقولي حاجة حياة : لالا ولا حاجة الراجل : خلاص يا بنتي ل مش عايزة تحكي عادي حياة كان نفسها تحكيله اوي لانها ارتاحتله وقالت: هي حكاية واحده صاحبتي وانا متاثرة بيها هي طويلة شوية الراجل : انشالة تقعدي تحكي من هنا لبكرة حياة ابتسمتله وبعدين حكتله كل حكايتها علي انها لواحده صاحبتها وهي بتحكي كانت دموعها بتغلبها الراجل بصلها وابتسم وقالها: بصي يا بنتي انتي عارفة صاحبتك الطيبة اوي دي زي ما حكيتي فيوم هتعيش اجمل حياة وكل الي ضايقوها فيوم سواء اهلها او اخواتها او مراتتهم او غيرهم صدقيني هتعيش اجمل حياة حياة حست بامل من كلامة وابتسمت وقالت:علي فكرة انا اسمي حياة الراجل بابتسامة: يبقي هتعيش حياة جميلة وطيبة زيك كده حياة ابتسمت وبعدين الراجل وداها تجيب الكشري ورجعها تاني لحد البيت ---------------------------------------------------- في بيت احمد سعاد داخلة من الباب ومعاها كيس الكشري احمد قام واخده منه وقال: الله الله عالجمال هي دي الامهات ... ايه ده انتي جايبة 4 لمين سعاد: مش انا الي جبت احمد : اومال مين.. انتي كنتي فين صح سعاد: وقعت في السوق واخدتني ست عندها ولما عرفت انك عايز خلت بنتها تروح تجيب احمد : طب كويس ان ربنا وقع في طريقك ست طيبة زيها واحده غيرها كانت سابتك ومشيت سعاد ابتسمت بس وقالت في نفسها بسخرية : طيبة هاه طيبة اوي احمد:طب تعالي يلا عشان ناكل سعاد: لا يا حبيبي كل انت انا مليش نفس احمد :طيب هسيبلك علبتك في التلاجة وهكلم عاصم يجي ياكل معايا سعاد :ماشي ومشيت ---------------------------------------------------- عاصم راح لاحمد وقعدوا عالسفرة عشان ياكلوا احمد بيطلع علب الكشري من الكيس بص لقي حلق واقع في الكيس احمد: ايه ده عاصم: دي فرده حلق بتاعت مين دي احمد :مش عارف .. ممكن تكون بتاعت حد في محل الكشري عاصم: طب ارميه يا عم احمد بص للحلق وبعدين قال: لا انا هخليه معايا عاصم : ليه يعني احمد: مش عارف بس حاسس اني عايز احتفظ بيه ---------------------------------------------------- حياة قاعده في اوضتها بتعيط وامير بيطبطب عليها امير : خلاص يا يويو بقي هجبلك واحد غيرة حياة: انا مش زعلانة عشان الحلقة انا زعلانة عشان انت الي جايبهولي وانا ضيعته باهمالي انا اصلا مبلبسوش في البيت واول ما البسة فردته تقع وتضيع امير بابتسامة : ولا يهمك يا ستي مش مهم انا ممكن اجبلك مليون واحد غيرة بس تبقي فرحانة مش تعيطي كده يلا اضحكي بقي حياة ابتسمت بحب وامتنان امير: صحيح ايمان بتسلم عليكي حياة : اه سلملي عليها كتيير وقولها انها وحششاني جدااا امير : ماشي يا ستي ---------------------------------------------------- بعد كام يوم سعاد راحت عشان ترجع العباية لجواهر وتاخد عبايتها خبطت علي باب الفيلا فتحت لها حياة ودخلتها وقعدتها في الصالة وراحت نادت مامتها جواهر : اهلا اهلا ازيك يا حبيبتي عامله ايه سعاد : كويسة الحمد لله وحشتيني والله جواهر : وانتي كمان تشربي ايه ... وبصت لحياة بقرف وقالت: شوفي طنط تشرب ايه عقبال ما اجيبلها عبايتها وقامت حياة: اعمل لحضرتك حاجة سعاد: شكرا يا حبيبتي مش عايزة حاجة وبعد شوية جاهر جت وقالت لحياة: خلاص طالما هي مش عايزة تشرب حاجة غوي علي اوضتك ومش عايزة اشوف وشك الا لما احتاجك حياة مشيت وخرجت برة الفيلا سعا باستغراب : هي اوضتها فين جواهر: في الجنينة سعاد اتصدمت وقالت: ايه رايك نبقي اصحاب جواهر: طبعا اكيد ده انا اتشرف سعاد لنفسها : وانا متشرفش

Free reading for new users

Scan code to download app

App Store Google Play

Facebookexpand_more