قصة "حياة"

في فيلا فخمة جدا راجل كبير قاعد في الصالة وماسك جرنال بيقرا فيه وفجاة زعق بعصبية شديدة: حييييييييييييييييييياة انتي يا زفتة جت بنت جميله جدا بتجري ومعاها كوباية شاي وكانت بتجري برعب خوفا من الراجل وخوفا من كوباية الشاي تقع حطت الكوباية قدامة برعب وقالت وهي بترتعش : انـ انـ انا اسفة اوي انتي اتاخرت علي حضرتك معلش مش هتكرر تاني حسين بقرف وهو بيبص في الجرنال: خلاص غوري علي اوضتك واياك اشوف وشك الا لو حد طلبك حياة مشيت راحت اوضة في جنينة ودخلت وقفلت الباب وقعدت عالسرير وحضنت مخدتها وابتسمت ابتسامة حزينة وقالت: ايه يا حياة هتعيطي ولا ايه مش كل حاجة وحشة معاها حاجة حلوة وبعدين مش انتي عارفة ان هيجي يوم وكل حياتك هتبقي جميلة وسعيدة ومفيهاش حاجة تزعل وبعدين حطت المخده علي وشها وقعت تعيط بحرقة وفجاة الباب خبط رمت المخدة برعب وقالت برعب وهي بتمسح دموعها : مـ مـ مين امير : انا حياة ابتسمت وقامت فتحت بفرحة امير دخل وقفل الباب وراه وبعدين بصلها وقال : ايه ده انتي كنتي بتعيطي حياة بارتباك: لالا انا عنيه دخلت فيها تراب بس امير وقف وحضنها وقال : مش هتعرفي تكدبي عليا ابدا هي ابتسمت وقالت: بطل مبالغة بقي امير راح وطلع اكل وحاجات حلة وشيكولاتات من كيس معاه وقالها : طب اتفضلي يا ستي كل ده لحضرتك وعارفة لو جيت ملقتكيش اكلتيهم هموتك ماشي ... وعلي فكرة انا جبت حاجات حلة لندي ومعتز مش لازم تديهم كل حاجة بجبهالك حياة: ههههههههههه امير: اه فكراني مش عارف صح حياة قعدت وسرحت وقالت: انت عارف هم فاكرنني ببقي متضايقة ان معتز وندي بيفضلوا معايا بس انا بحبهم جدا جدا وبفرح لما بلاقيهم بيقولولي انهم بيحبوني امير : اي حد ميحبكيش يا يويو يا حبيبتي يبقي غ*ي حياة ابتسمت بحزن امير: بس انتي متزعليش نفسك انا هحاول اني اقنع بابا انك تكملي وتدخلي جامعة ممكن اقوله الناس هتقول او اقوله اي حاجة حياة بياس : متحاولش كويس اصلا ان هو وافق اني اكمل لحد 3 ثانوي امير : انتي عارفة يا حياة انا متاكد ان في واحد هيحبك وتحبية وهيعشك اجمل حياة ويعوضك عن الي فاتك حياة حضنته وهو كمان حضنها ---------------------------------------------------- في بيت تاني في شقة جميلة ولد نايم في اوضته دخلت مامته فتحت الشبابيك احمد وهو بيحط ايه علي عينه:ايه يا ماما في ايه سعاد: انت عارف الساعة كام ... هو احنا عشان في اجازة هتفضل نايم 24 ساعة ولا ايه احمد: ليه هي الساعة كام سعاد: الساعة 12 احمد: طب ما لسة بدري سعاد: قوم يا احمد بلاش **ل وبعدين عاصم صاحبك برة عاصم: برة ايه انا في الاوضة يا طنط سعاد: ههههههههههه خضيتني عاصم: مش عارف ليه في الاجازة انا وهو بنعمل تبادل ادوار هو ينام وانا اصحي مشفتيهوش في الدراسة وهو عمال يكلمني عشان اصحي عشان ننزل سوا "هم ساكنين قريب من بعض" سعاد: يا ابني ده بيصحي قبلي ساعات احمد وهو بيقوم: خلاص صحيت مكنتش نومه يا جدعان يعني عاصم: كنت سهان ولا ايه احمد: اه سهرت شوية سعاد : طب روح اغسل وشك وتعالوا يلا عشان تفطروا ---------------------------------------------------- بعد الفطار عاصم واحمد قعدوا في الاوضة عاصم: يااااه يا ابني علي جمالها ولا رقتها ولا خفة دمها احمد: هي مين دي عاصم: هدي ياعم انت نسيت احمد: اه الي انت معجب بيها دي عاصم: لا انا بحبها هي الي معجبة بيا احمد: وعرفت ازاي عاصم: عادي ليا مصادري الخاصة انا بفكر اروح اخطبها احمد: لازم تتاكد انها بتحبك عشان تعيشوا اجمل قصة حب بين طرفين عاصم: انا هصارحها اني معجب بيها ونقرب من بعض براحتنا بقي احمد: اممم عاصم: وانت مش ناوي تحب بقي ده احنا حتي ايام حب المراهقة والهبل ده عمرك ما شدتك بنت فترة اكتر من اسبوع احمد بابتسامة وسرحان: يا ابني انا مستني الصدفة الي هتجمع بيني وبين الي بحبها وهعيش انا وهي اجمل قصة حب عرفتها البشرية عاصم: لا يا راجل احمد: اه اكيد هي موجوده في مكان وبتفكر فيا او حتي عمرها ما فكرت فيا ممكن اكن شوفتها وممكن اكون هشوفها بس الي متاكد منه اني هخليها اسعد انسانة في الدنيا عاصم: تراني اتاثرت لحظة ابكي احمد حدف فيه المخدة وقالة: يلا يا حيوان عاصم: ههههههههه خلاص اهدي بهزر معاك ايه مابتهزرش ---------------------------------------------------- تاني يوم جواهر نزلت تشتري حاجات من السوق وطبعا حياة كانت معاها وهم ماشيين حياة كانت شايلة شيل كتير جدا وهي مش واخده بالها خبطت في واحده ست والست وقعت حياة سابت الشنط وقومت الست وقالت: انا اسفة انا اسفة اوي بجد سامحيني جواهر راحت ومسكت حياة جامد وضربتها بالقلم وقالت بعصبية : انتي بنت غ*ية مبتفهميش وبعدين بصت للست وقالت: معلش احنا اسفين انا بيتي قريب تعالي وانا هد*كي هدوم بدل الي باظت دي وتبقي ترجعيها بعدين الست فضلت واقفه مصدومة وباصة علي حياة الي بتعيط وبعدين قالت: لالا مفيش حاجة جواهر لا ازاي لازم تيجي مينفعش لو لسة في حاجة عايزة تجيبيها نروح واخلي الزفته دي تجيبهالك ... وهي بتشاور علي حياة سعاد: لا مفيش حاجة عايزة اجيبها وراحوا الفيلا ---------------------------------------------------