الفصل الثالث (١)

2644 Words

الفصل الثالث من اميره البلد (العروس المناسبة) __________ اذكروا الله _______________________________ كانت اسراء تجلس في بهو المنزل مع نسرين وابتهال وكان محمود بالخارج يستقبل أخيه الاصغر " ادهم " وهو في عمر السابعه والعشرون يدرس في القاهرة ويتحدث الكثير من اللغات ببراعه ويعمل في هذا المجال كانت تنزل منار علي الدرج، وهي مُصففه شعرها بعناية شديدة وتاركه أياه حرًا وترتدي عبائه بيضاء ذو أكمام من الشيفون منار بابتسامة : هاي عليكم اسراء نظرت لها نظره ثاقبه وكأنها ترصدها من أعلاها الي أسفلها اسراء بغضب : ايه اللي انتي مهبباه في نفسك ده منار بضيق : في ايه عادي هو عيب اهتم بنفسي قد ارتفع صوت أسراء مما ادي الي انتباه ابتهال ونسرين - حضرتك مش محجبه وله انا متهايقلي منار بتوتر : اه محجبه بس انا في بيتي اقعد براحتي هو المفروض اتحجب وانا في البيت يا سيادة الشيخة اسراء بانفعال : لا مش براحتك يا هانم وانتي مش في بيتك لان معاكي رجالة .. تجوزلك وله مش هتبطلي هبل واقتربت منها وشدتها بعنف من خصلاتها قائلة بغضب - اظن محمود مش اخوكي ولا أدهم .. يعني مدام احنا عارفين انهم هيوصلوا في اي لحظه المفروض الهانم تلبس الطرحة .. ما تتكلمي يا ماما نسرين بانفعال شديد : ممكن تخرسوا شويه كل واحده فيكم بتزعق ولا عاملين حساب ليا ولا عمتكم ثم وجهت حديثها الي منار - اطلعي وشيلي الق*ف اللي علي وشك ده وتلبسي الطرحه تسمرت منار في مكانها فلم تتوقع أن والدتها ستفعل ذالك كانت تظن انها ستنصفها علي ش*يقتها لتهتف نسرين مستكملة حديثها بغضب - مش بقول اطلعي وله بكلم نفسي انتم خلاص نسيتوا نفسكم متفتكروش ان علشان ابوكم مات انك هتعلموا اللي انتم عاوزينه و تاني مره صوتكم ميعلاش قدامي انتم فاهمين صعدت منار الي غرفتها وهي تبكي ودخل في هذه الاثناء محمود محمود بتساؤل : صوتكم عالي كدا ليه ابتهال بتوتر : ابدا يا حبيبي كالعاده اسراء ومنار بيهزروا مع بعض شويه ..فين ادهم ولج أدهم قائلا : انا هنا يا ابتهال هانم احتضنته ابتهال فهي متعلقه به منذ طفولته وهو ايضا فقد توفق ش*يقتها وكان عمره ثلاث سنوات فقط وكانت من تعتني به ابتهال بحب : وحشتني اووي يا حبيبي ادهم بابتسامه : اخر مره و اقعد اق*فك هنا بقا خلاص هتفت نسرين مرحبه به - نورت يا حبيبي ادهم بابتسامه : بنورك وجد اسراء عاقده ساعديها وتقف بجانب امها وتنظر الي الارض ادهم بمرح : هو الواحد بيسافر ويغيب سنين ويرجع يلاقيكي نفس الوقفة .. فكيها علشان ربنا يفكها عليناا " ضحك الجميع "" اسراء ببرود : اهلا نورت ادهم : الحمدلله ل**نك لسه متقطعش يعني وبتردي ابتهال حاولت أن تجعله يتركها فالان هي متأهبه للنزاع مع أحدهما - يلا علشان نفطر سوا ____________________ في غرفة محمود ابتهال بصدمة : انته بتهزر صح محمود بابتسامه هادئة : ههزر معاكي برضو في حاجه زي كده انا يعتبر اتقدمت ليها .. مش دي كانت امنتيك ؟؟!! ... انتي امبارح قولتيلي انك نفسك .. اني اتجوز دلوقتي متسغربه ليه دلوقتي ابتهال بحيره : ايوه قولتلك بس مكنتش اعرف انك اخدت كلامي جد كده .. ما أنا مش أول مرة أقول لا يوم ما تفكر .. تفكر في عائشه ده كلام محدش يصدقه .. انته وعائشة ؟؟! طب ازاي ؟!!! يعني انته يعني عجبتك في ايه انته هتوافق انها تشتغل .. انا هتجنن مش مصدقه اللي بتقوله محمود : هو انتم ليه كلكم مستغربين كدا حتي حمدان مستغرب ؟؟!! ابتهال : انا معرفش عائشه اووي بس اعرفك انته محمود : مش انتي قولتلي .. في واحده النسر بيتمناها ؟!!!. وفضلت ادور علي إجابة ملقتش غيرها ابتهال نظرت له بصدمة ابتهال باستغراب : طب وانته بتتمناها ليه .. مش قصدي ..يعني انا بصراحة مستغربة محمود بوجوم : وانا مستغربه اكتر منك بس انا هنفذ اللي انا عايزه ابتهال بتساؤل ممتلي بالحيره : طب هي هتوافق محمود : حتي دي مقدرش ..اد*كي كلمه فيها بعقلي .. لكن لو باحساسي فهي هتوافق اكيد ابتهال : واثق اووي انته محمود بهدوء : مجرد لحظات تخليكي تتأكدي من حاجات متدخلش ال*قل وانا مش عايز افكر بعقلي خصوصا المرة دي _______ بعد حديث عائشه مع خالها مر اليوم كالعادة وهي في عملها ... ولكن عقلها في مكان اخر لاول مره تفكر هكذا في شخص تقدم لها استيقظت من النوم وقالت لها سيدة أن عمها وزوجته بالأسفل لتهبط عائشه وهي غاضبة وجدتهم يتناولوا الفطار عائشه بغضب شديد : ياتري ايه المهزله اللي بتحصل هنا دي ... انتم ايه اللي جابكم هناا لععت بمكر وابتسامة مزيفة : صباح النور يا ست البنات حسيبه بخبث : صباح الخير تقوليها الاول يعني ده استقبال تستقبليه لمرات عمك وعمك والله عيب عليكي عائشه بغضب : مش علي اخر الزمن انتم اللي هتعلموني العيب و الصح و الغلط ومش من حقكم تتدخلوا بيتي غير لما اذن ليكم بكداا لان ده مش مكانكم ولا عمر هيكون ليكم مكان هنا طلعت بخبث : خلاص مش هرد عليكي يا بنت اخويا برضو و علشان انا الكبير العيلى كلها جايه النهارده علشان نشوف حل ليكي مهوا مش هينفع البلد تاكل وشنا يعني اننا سايبينك عايشه لوحدك ده شي ميرضنيش ولا كبير ولا صغير في العيله يرضيه عائشه : الكبير كبير بافعاله يا عمي وله أنتَ رايك ايه ؟!! حسيبه : طبعا يا حاج طلعت احنا برضو ..مش هنسيب بنت اخوك ابدا طلعت بمكر : يا بنتي احنا في الاول والاخر اهل ومهما كان بينا خلافات مينفعش الناس تعرفها ومينفعش اسيب بنت اخويا لوحدهاا الناس كلت وشي برضو عائشه :وانته كنت فين لما ابويا مات وله الحنيه خلاص مبقاش ليها حدود دلوقتي طلعت :مش انتي اللي طردين يا بنتي انا عمري ما اسيبك وبعدين الحي ابقي من الميت عائشه بسخرية : الميت مات بحسرته منك ولو فاكر انك هتعيش هنا وهتبقي كبير علي حسابي فانسي انا مش ابويا و مش هسامح مش هنسي ومش بخاف من الفضايح وعندي استعداد اني اطردك دلوقتي واللي يتكلم يتكلم طلعت بحزن :ما تحضرينا يا سيده انتي شايفه انها ينفع تكلم عمها كده وهو خايف علي مصلحتها كادت تتحدث سيده ولكنها توقفت عن الكلام حينما سمعت صوت حسيبه حسيبه : مبقاش الا الخدامين ويتكلموا ويدخلوا في كلام اسيادهم عائشه بغضب : بقولك ايه انتي تقعدي زيك زي اي كرسي واياكي تغلطي في سيده خط احمر سمعوا صوت السيده كبيره في اواخر الستينات من عمرها وهي اخلاص اخلاص بغضب : بتعلي صوتك علي مرات عمك واضح اني اللي سمعته صح ان عيارك فلت ده شي قليل علي اللي سمعته بودني عائشه : اهلا يا ستو احتضنتها عائشه بجمود اخلاص : ايه اللي سمعته ده يا عائشه عائشه : الحقيقه ده بيتي انا و باسمي انا واللي جاي يفتكر نفسه في بيته يرجع ما كان ما جه اخلاص : احترمي نفسك يا عائشه عائشه بسخريه: وعايزين ايه يا كبار اللي ممكن تيجوا علشانه مات وادفن من سنتين مات بعد عجزه اخلاص بجمود : انتي بنت بنتي ومهما قولتي مش هنسيبك وعمك احق واحد يقعد معاكي انتي فاكره اننا هنسيبك لغايت امته في بنت تقعد لوحدها في بيت طويل عريض مش كفايا اللي حاول يتعدي عليكي وجه ي**ق بيتك عائشه ضحكت بسخريه : وايه كمان ياتري قولتلها يا عمو ان اللي حاول يتعدي عليا يبقي مين اخلاص باستغراب : حرامي طبيعي يحاول يتعدي علي واحده عايشه لوحدها عائشه : شويه تصحيح مفاهيم انا مش لوحدي ثانياا بقا اللي حاول يتعدي علياا ده ابن عمي وله تحبي يا طنط حسيبه اقول جوز اختي السابق اخلاص : انتي بتقولي ايه يا بنتي عائشه :اللي سمعتيه وهاتوا الكبير والصغير لو تحبي متجيش تعملي نفسك جدتي اللي هتخليني اسمع كلامها انتي من يوم ما امي ماتت سالتي علياا انا واختي الله يرحمهاا كام مره تقدري تعديهم علي صوابعك دلوقتي بقيت حفيدتك اللي خايفه عليها طلعت بمكر : مينفعش تكلمي ستك كده عائشه بضيق : اكيد مش هتعلم الصح والغلط منك برضو حسيبه بخبث : يا بنتي استهدي بالله عيب عائشه : وانتي معرفتيش العيب ليه لما اللي ابنك عمله في اختي .. مقولتلوش ليه انه عيب اخلاص بانفعال فان كلامها صحيح : عمك ومرات عمك هيفضلوا عايشين هنا معاكي لغايت بقا لما تتجوزي لان احنا مش هنسمح ان سيرتنا تكون علي كل ل**ن بسببك عائشه : متفتكروش اني هتجبر علي حاجه اللي انا عيزاه هيحصل مهما عملتم هات اللي عايز تجيبه يا عمي انا مبعملش حاجه اخاف منها اللي علي راسه بطحه بيحسس عليها تركتهم ثم صعدت الي غرفتها _____________________ سمعت الكثير و الكثير منهم و لكنها لم تسكت الا ان اعطتهم الرد الحاد فهم يستحقوا اكثر من ذالك الجميع يعاقبها و كانها فعلت شي يجعل العار يلازمهم ؟!!!!! فكان طلعت استطاع ان يجعل الجميع غاضب و يصرخوا في بيتها و لكن عددهم و كلامهم جعلوها لا تستطع ان توجه كلامها لمن و لمن ؟!!! جاء في اليوم التالي شاهين و تفاجي بوجود الجميع و اول من استقبلته اخلاص اخلاص بابتسامه : اهلا يا شاهين يا ابني ايه خلاص نسيت امك ** فهي امه في الرضاعة ** شاهين حاول ان يبتسم فالصدمه كفيله بان تلجمه : ابدا يا حجه هو احنا لينا بركه الا انتي اخلاص بتساؤل : مراتك وعيالك عاملين ايه شاهين برضا و حمد : الحمدلله بخير نحمد ربنا اخلاص : الحمدلله ثم اكملت بعتاب : و ياتري انته ساكت علي اللي بتعمله عائشه حتي مش بتديني خبر انا معرفش ان كل ده حصل شاهين بحيره : والله مش قصدي يا حجه بس انا مش فاهم اقولك ايه هي عائشه عملت ايه هي مجرد انها ماسكه شغل ابوها مش شايف انها عملت حاجه غلط اخلاص بغضب مكتوم : واضح ان اللي سمعته صح وانك انت اللي مقويها شاهين بحرج : بصي يا حجه انا ولا بقوي حد ولا بضعف حد ديه املاكها وهي حره فيه انا ما الا واقف معاها لانها وصيه ابوها اني اكون في ضهرها لكن غير كدا انا مليش اي راي و لا اي كلمه كله قراراتها و انا مش شايف انها عملت جريمه بالع** ديه لو بنتي هفتخر بيها انها واقفه وسط الرجاله وبتشتغل وبيعملوا ليها حساب اخلاص : والله عال اوي يا شاهين "" جاءت عائشة "" عائشه بتجاهل لها : يلا يا خالو علشان عيزاك في موضوع اخلاص بغيظ : ما تتكلمي قدامي ايه المشكلة عائشه بجمود : معلش ذهبت عائشه علي ان يتبعها شاهين بعد ان استاذن من اخلاص وخرجوا للحديقة شاهين : خير يا بنتي عائشه : هتتصل تقول لمحمود الشرقاوي ان طلبه مرفوض شاهين بانزعاج واضح : برضو يا بنتي مصره علي اللي في دماغك مفيش فايده في العند بتاعك صح عائشه بهدوء : لازم ارفض طلبه لانه جاي يعرف رأيي و انا لياا اهل وعزوه زي ما انت شايف قوله لو عايز يتقدم ليا يروح يتقدم ليا ويطلب ايدي من عمي طلعت نظر لها شاهين بحيره : انتي بتهزري يا عائشه قصدك ايه بكلامك ده انا مبقتش فاهم ليكي حاجه عائشه : مش هي دي الاصول يا عمي اللي عايزني امشي بيهاا والكل بيطالب بالاصول في بيتي فالاصول بتقول انه يطلب ايدي من عمي وله ايه شاهين بتساؤل : طب انتي عارفه !؟؟؟ انتي بتعملي ايه كده انتي بتتكلمي .. ان الموضوع هيمشي رسمي عائشه بثقه لا تمتلكها : اكيد و انا عيزاه يمشي رسمي يتقدم لياا و بعدين نفكر انا وعمي وعيلتي تفكر هي دي الاصول برضو شاهين بحيره : مبقتش فاهمك .. يا بنتي عايزه توصلي لايه عائشه بصدق ووجع : عمري ما كان ليا حاجه معينه اوصل ليهاا دايما بتحط في اختيارات وبختار اللي اقل ضرر ليا .. مش هسمح ليهم يعيشوا في بيتي ويتحكموا فيا شاهين بتردد وهو يحاول ان يجعلها تعلم ان الموضوع ليس لعبه بالفعل هو كان يريدها ان تفكر ولكن ليس بهذه الطريقه شاهين : ده جواز مش هزار يا بنتي انتي متخيله انتي بتعملي ايه كده الموضوع هيبقي رسمي و مفيش كلام عائشه : مش انته فضلت تحكي ليا عن مميزاته وكنت بتحاول تقنعني بكل الطرق الممكنه اني اوافق .. انته زعلان علشان وافقت .. ليه دلوقتي مش ده اللي انت عايزه شاهين بحزن : انا زعلان انك وافقتي وانتي مجبره مش موافقه بكامل ارادتك عائشه : همشي علي كلامك مش انت قولت لو ابويا كان عايش كان اختار محمود لياا و انا واثقه .. ان ابويا هيختارلي الخير وانت عمرك ما هتضرني... ____________________________ و بعد حديث طويل ذهبت عائشه الي غرفتها وهي تبكي ب**ت فهي دائما ليس لها حريه الاختيار فقط اختيارات تكون موضوعه عليها و تختار الاقل في الضرر سيده بعتاب : عملتي الي في دماغك ليه استسلمتي عائشه بهدوء : مش انتم نفسكم اتجوز ليه دلوقتي كلكم رافضين الموضوع سيده بتوضيح : لاننا كنا عايزينك تكوني موافقه بكامل ارادتك مش علشان تهربي من كلام عيلتك و وجودهم جنبك كنا عايزين الاستقرار عائشه بضيق : متقوليش عيله .. العيله جت لما بقيت كبيره العيله ديه اللي مسالتش عني و عن حالي لما ابويا مات و منهم ستي اللي مسالتش عني او عن اختي بعد موت امي من سنين طويله اووي ..العيله دي اللي جت سخنه عليا مجرد ما طلعت باشا قال كلمتين كلهم خافوا علي نفسهم من العار و هما العار بحد ذاته سيده و هي قلبها ينفطر عليها .. فتعلم سيده انها تدعي و ترتدي قناع القوه وهي بداخلها من**ره سيده بحزن : واحلامك عن الفارس اللي هيخ*فك علي حصان ابيض و أحلامك و كلامك عن الحب راحت فين عائشه بوجع : اد*كي قولتي مجرد احلام محدش هيقدر يديني الحب اللي عيلتي عجزت انها تدهوني اللي المفروض انهم اقرب ناس لياا هنتظر ايه من الغريب سيده : كنت فاكره زيك كده انا كان برضو ليا عيله و كان ليا زوج بيعشقني و كنت متخيلاه عيلتي كلها و اول ما عرف اني ارض بور مش هقدر اجبله عيل سابني مع اني كنت بعتبره عيلتي كلهاا لقيت الامان هنا في البيت ده رغم انكم غرب و متعرفونيش ساعات بيجي الحب و الحنان و الاحتواء من الناس اللي منعرفهاش اكتر من الغرب ..... __________________________ في بيت العمده كان محمود يجلس مع اخيه و تلقي اتصال من شاهين شاهين : السلام عليكم محمود : وعليكم السلام ياريت تكون جايب الخبر اللي نفسي اسمعه شاهين : انا جاي اقولك ان عائشه رفضت طلبك تسارعت دقات قلب محمود و كأنه سيموت من سرعة خفقانه ولكنه حاول ان يهدا محمود بجمود : يا تري ايه الاسباب اللي خلتها ترفض شاهين : امشي تبع الاصول و انت تعرف روح اتقدم ليها و اطلب ايديها من ولي امرها اللي هو عمها طبعا و ده الشي اللي متعارف عليه و هي دي الاصول محمود بابتسامه : تمام شكرا ياعم شاهين شاهين : العفو يا ابني ربنا يقدم اللي فيه الخير و اغلق شاهين الخط حمدان : خير ؟!! محمود بمكر : طلبي اترفض حمدان بانتصار : شفت مش قولتلك مصدقتنيش محمود بانتصار عليه : طلبي اترفض لاني متبعتش الاصول فاضي امته نروح نطلب ايديها من عمها حمدان بعدم استعياب : عمها مين ؟!! هي عائشه اساسا منتظره راي عمها في حاجه ديه مسخرت بكرامته الارض اكتر من مره قدام الناس كلها محمود : و نعمل ايه اذا كان ده طلبها هي شخصيا اننا نتبع الاصول حمدان بعدم اقتناع : هي اللي عايزه كدا ؟!!!! سبحان الله الدنيا ديه غريبه اووي محمود : فاضي امته وخلي استغرابك ده لبعدين حمدان بضحكه : انت عارف ان ابني اعقل منك والله محمود : عارف يا عم ربنا يخليكم لبعض حمدان : مدام هي عايزه الاصول يبقي نتصل بعمهاا و نقوله يستنانا و ناخد منه ميعاد علشان نروحله محمود بمرح : استاذ و رئيس قسم يا اخويا والله ______________________ بالفعل اتصل حمدان بطلعت و قال له انهم يريدوا ان يذهبوا لبيتهم كزياره ولكنهم لم يذكروا السبب الاساسي و بالفعل وافق طلعت ان ياتي غدا لبيت عائشه بما انه يجلس هناك و بالفعل جاء اليوم التالي و ذهب حمدان و محمود لبيتهم و تفاجأ الجميع بالاشياء الكثيره الذي اتوا بها من حلويات واشياء كثيره لا تعد و لا تحصي و دخلوا جلسوا و تحدثوا في اشياء مختلفه الا ان هتف حمدان حمدان : طبعا انت مستغرب احتا جايين ليه يا طلعت طلعت بابتسامه : الحقيقه اه بس انت تنور في اي وقت يا حضره العمده حمدان : طبعا ان عارف ان لبني بنت خالنا ماتت من سنه طلعت : اه عارف الله يرحمها يارب الجميع "" امين "" لوجود اقارب من عائله عائشه و كان ياسر جالس ايضا حمدان : فاحنا جايين و طالبين القرب منك طلعت باستغراب : ياريت كان عندي بنت ده انا اوديها لغايت عندكم بس انا معنديش الا ياسر محمود بهدوء : جايين نطلب ايد بنت اخوك طلعت نظر له بصدمه فاخر شي يتوقعه ذالك يعلم انها اذا تزوجت محمود لن يستطيع رفع عينه بها طلعت و كانه لم يستوعب : عائشه ؟؟!! محمود : هو انت عندك بنت اخ غيرها علي حد علمي التانيه متوفيه .. ___________________

Free reading for new users

Scan code to download app

App Store Google Play

Facebookexpand_more