Dumating sina Manang Lita at Susan bago magtanghali. Sila ang mga kasambahay na tinutukoy ni Denver kanina.
Nasa late fifties na si Manang Lita, biyuda at may isang anak na nasa probinsiya. Limang taon naman ang tanda ni Susan sa kanya. May asawa na rin at dalawang anak ito.
Bandang alas-tres ng hapon nang tumawag si Mrs. Rebollado at sinabing darating ang pamilya ng pamangkin nito mula Negros Occidental.
Padilim na nang dumating ang mga bisitang sinabi ni Mrs. Rebollado. Si Sir Lander, na pinsan at kasing good looking ni Denver, ang magandang asawa nito, at ang kambal na anak na lalaki ng mga ito.
Dalawang taon ang tanda ng kambal kay Ryley. Kasama rin ang dalawang yaya na hindi nalalayo ang edad sa edad ni Susan.
Hindi nagtagal ang mag-asawa sa bahay ng mga Rebollado. Ang dinig ni C
