"Ha?" Ngumiti ito at gusto namang mag-somersault ng puso ni Chas.
Tumayo si Denver sa pagkakaupo at lumapit sa pinto ng banyo.
"Hoy! Teka, umaamin ka na ba na may gusto ka na sa 'kin, ha?" habol niya.
Lumingon ito sa kanya. "I can't remember denying it to you, Chas," sagot nito bago pumasok sa loob ng banyo.
Literal yatang tumambling na talaga ang puso ni Chas. Kinatok niya ang pinto ng banyo. Hindi siya mapapakali hangga't hindi nililinaw ng asawa ang sinabi.
"Denver Roi! Ulitin mo! Ano 'yong sinabi mo?"
Tawa lang ang isinagot ng asawa mula sa loob.
"Denver! Gigibain ko itong pinto!" Katok uli.
"I said I love you!" malakas na sabi ni Denver.
Abot hanggang tainga ang ngiti ni Chas. Patalon niyang ibinagsak ang sarili sa kama at saka paulit-ulit na nagpagulong-gulong habang impit n
