ANG AMO KONG DAKS (SSPG)

DAKS 7

Kinabukasan, sumikat ang araw sa mansyon ng mga Vantress na tila walang nangyaring steak m******e kagabi. Maagang nagising si Luningning, hindi dahil sa masipag siya, kundi dahil sa bangungot na hinahabol siya ng isang dambuhalang butones na may mukha ni Sir Rax.

Habang nag-uunat siya at naghihikab na parang hippopotamus na bagong gising, napansin niya ang isang puting sobre na nakasingit sa ilalim ng kanyang pinto.

"Ano 'to? Love letter galing kay Sir Rax? Agad-agad?" bulong niya sa sarili, sabay seryoso ng mukha at ayos ng buhok. "Naku, Ning, bawal 'yan! Amo mo 'yan! Pero... kung mapilit siya, sige na nga, pag-iisipan ko."

Dahan-dahan niyang binuksan ang sobre, umaasang makabasa ng mga tula ng pag-ibig o kahit man lang "Sorry po sa pagsusungit kahapon." Pero laking gulat niya nang makita ang nilalaman nito. Hindi tula, kundi makakapal na asul na papel—mga sanlibuhin!

Nanlaki ang mata ni Ning. Binilang niya ito gamit ang nanginginig niyang daliri. Sampung libo!

"Diyos ko! Bonus?! O baka naman... bayad-pinsala 'to para sa dignidad ko kagabi?" Napatakip siya sa bibig, baka biglang bawiin ng tadhana. "O baka naman... advanced sweldo para sa susunod na sampung taon dahil plano niya akong siksikin sa trabaho?!"

Niyakap ni Ning ang pera, tumulo ang luha ng kagalakan sa kanyang mga mata. "Salamat, Sir Rax! Kahit Dragon ka at laging high-blood, may puso ka rin palang... malaki! Pang-opera 'to ni Tatay!"

Mabilis siyang nagbihis ng kanyang mas maluwag na ngayon uniporme at patakbong pumunta sa kusina. Balak niyang ipagmalaki kay Manang Fe ang kanyang unexpected bonus at itanong kung paano pasalamatan ang isang amo na ayaw pasalamatan.

Pero bago pa siya makarating sa kusina, nakarinig siya ng isang matinis na boses mula sa sala. Isang boses na parang pusa na naiipit ang buntot sa pinto.

"Rax, darling! I know you missed me! Look, I brought you your favorite macarons from Paris! The ones you used to love when we were still... together."

Napatigil si Ning sa hallway, sumilip siya nang bahagya sa likod ng dambuhalang vase. Nandoon si Sir Rax, nakaupo sa sofa, tila bad trip na bad trip at handa nang mamilipit ng leeg. At sa tapat niya, nakatayo ang isang babaeng mukhang lumabas lang sa isang high-fashion magazine—matangkad, maputi, nakasuot ng hapit na hapit na pulang dress na halos hindi na siya makahinga, at kulay blonde ang buhok na parang barbie doll na naging tao.

"Monica. What are you doing here? At paano ka nakapasok nang walang appointment?" malamig na tanong ni Rax, hindi man lang tinitingnan ang dalang macarons, tila mas interesado pa siya sa mantsa sa carpet kaysa sa ex niya.

"Oh, come on, Rax! Your security knows me! We’re not strangers," sagot ng babaeng nagngangalang Monica, sabay upo sa tabi ni Rax at haplos sa braso nito. Isang haplos na tila sinusukat ang muscles ng bilyonaryo. "I heard you had a... disastrous dinner last night. Sabi ko na nga ba, hindi mo kaya kapag wala ako para mag-ayos ng gulo."

Napakunot ang noo ni Ning sa kanyang pinagtataguan. Disastrous? Grabe naman 'tong bruhang 'to! At sino siya para hawakan si Sir Rax?! Baka gusto niyang matalsikan ng mainit na mantika!

"Who is she, Fe?" bulong ni Ning kay Manang Fe na biglang lumitaw sa likod niya, dala ang isang tray ng kape, muntik na siyang mapatalon sa gulat.

"Naku, Ning. Iyan si Monica. Ang ex-girlfriend ni Sir Rax. Noong mag-on pa sila, akala mo kung sinong reyna kung umutos sa amin. Daig pa ang may-ari ng mansyon," bulong ni Manang Fe na may halong inis.

"Ah, ex. So... past tense na siya. Bakit parang sinusubukan niyang maging present perfect continuous?" inis na bulong ni Ning, habang matalas ang tingin kay Monica.

Naglakad si Manang Fe patungo sa sala para iserve ang kape. "Here's your coffee, Sir Rax, Ms. Monica."

Napatingin si Monica kay Manang Fe, at pagkatapos ay sa hallway kung saan nagtatago si Ning. Nakita niya ang isang bahagi ng uniporme ni Ning na nakasilip.

"Oh, Fe. I see you have a new... assistant," maarte niyang sabi, sabay turo sa gawi ni Ning gamit ang kanyang mahahabang kuko na parang agila. "Is she the one who caused the clumsy incident last night? The one Rax had to... carry?"

Nagulat si Ning. Paano niya nalaman?! Baka may CCTV 'tong mansyon na naka-live stream sa phone niya?! O baka may spy siya rito?!

"Get out, Ning," utos ni Rax nang makita niya ang dalaga. Ang boses niya ay nagbabala na, hindi kay Ning, kundi kay Monica.

Dahan-dahang lumabas si Ning, nakayuko, pilit na nagpapaka-invisible. "O-opo, Sir."

"Wait!" hudyat ni Monica, sabay taas ng kanyang kamay. Lumapit siya kay Ning at tiningnan ito mula ulo hanggang paa, na tila naghahanap ng mantsa sa uniporme. "So, you’re the new maid. Make sure you don't get too close to Rax again. He's very sensitive about cleanliness and... status. He doesn't like clumsy people in his space."

Naramdaman ni Ning ang init sa kanyang mukha. Maids? Status?! Grabe 'tong babaeng 'to! Baka gusto niyang matikman ang 'clumsy' slap ko na may kasamang sarsa ng steak!

"Monica, stop it," awat ni Rax, ang boses niya ay malamig pa sa yelo.

Tumingin si Monica kay Rax, sabay ngiti nang nakakaloka. "I'm just giving her a friendly reminder, darling. After all, clumsy maids like her tend to get... fired. Right, Rax?"

Tumingin si Rax kay Ning, at pagkatapos ay kay Monica. Isang tensyon ang namayani sa sala. Ang unexpected bonus ni Ning ay tila napalitan ng isang malaking unexpected problem.

"Get her out of my sight, Fe," utos ni Rax.

"Opo, Sir! Tara na, Ning!" hila ni Manang Fe kay Ning palabas ng sala bago pa tuluyang sumabog ang bulkan.

Nang makarating sila sa kusina, hindi na nakapagpigil si Ning.

"Manang Fe! Grabe naman 'yung Monica na 'yun! Daig pa ang kontra-bida sa teleserye! Ano ba'ng dahilan at naghiwalay sila ni Sir Rax? Baka naman masyado siyang maarte para sa Dragon?"

Huminga nang malalim si Manang Fe habang nagtitimpla ng panibagong kape. "Naku, Ning. Mahabang kuwento. Pero ang sabi-sabi, masyado raw kasing controlling si Monica. Gusto niya, bawat galaw ni Sir Rax, alam niya. At saka, hindi niya gusto ang pagiging workaholic ni Sir. Gusto niya, lagi siyang center of attention."

"Ah, controlling. Kaya pala Dragon si Sir Rax ngayon, baka nasakal sa pagmamahal ng bruha," bulong ni Ning. "Pero Manang, bakit parang... parang may something pa rin sila?"

"Ewan ko ba, Ning. Baka habol lang 'yan ni Monica dahil alam niyang mayaman si Sir Rax. O baka naman... mahal pa rin niya si Sir."

Natahimik si Ning. Mahal pa rin? Kung mahal pa rin niya si Rax, bakit kailangang ipahiya ang isang hamak na kasambahay? Doon niya naramdaman ang muling pagkirot ng kanyang pride. Hindi man siya bilyonaryo, tao rin siyang nasasaktan.

"At saka, Ning," dagdag pa ni Manang Fe habang pabulong na lumalapit sa dalaga, "Ang balita noon, hiwalayan na talaga sila pero si Monica itong hindi matanggap. Akala niya yata ay nakatali na sa kanya si Sir Rax habambuhay dahil sa ganda niya. Noong huling gabi nila rito sa mansyon, halos mabasag ang lahat ng mamahaling display sa sala dahil sa pagwawala ng babaeng 'yan. Masyadong mapagmataas."

Napahawak si Ning sa kanyang pisngi. "Grabe naman, Manang! So, hindi lang pala siya bruha, baka may sumanib pa sa kanya noon? Kaya pala ganun na lang kasungit si Sir Rax ngayon. Parang trauma na 'yung inabot niya sa pag-ibig."

"Kaya ikaw, Ning, mag-ingat ka. Mapanganib ang mga ganyang klase ng babae. Gagawin ang lahat para makuha ang gusto. At ngayon na nakita niyang binuhat ka ni Sir Rax kagabi... naku, asahan mong ikaw ang magiging puntirya niyan," babala ni Manang Fe sabay krus sa kanyang dibdib.

Napahawak siya sa sobre sa kanyang bulsa—ang sampung libong bonus na bigay ni Rax.

Bonus... bago ang gulo. Salamat po, Lord, bulong ni Ning sa sarili, sabay yakap sa sobre ng pera na tila ito na lang ang tanging pag-asa niya sa mundong puno ng mga ex-girlfriend na bruha at mga among bilyonaryo na may maseselang nakaraan.

Pero habang iniisip niya ang tungkol sa nakaraan nina Rax at Monica, isang ideya ang biglang pumasok sa isip ni Ning. Isang ideya na maaaring magdulot ng higit pang gulo—o maaaring maging susi para tuluyang mapaalis ang bruha sa mansyon.

"Abangan," bulong niya sabay ngiti nang nakakaloka.

"Anong abangan, Ning? Huwag mong sabihing papatulan mo ang babaeng 'yun?" kuryosong tanong ni Manang Fe.

"Hindi po, Manang. Pero kung gusto niya ng teleserye, bibigyan ko siya ng Award-Winning Performance," sagot ni Ning habang inaayos ang kanyang bagong uniporme.

"Tingnan natin kung sino ang mas clumsy kapag ang puso na ni Sir Rax ang nakataya."

Biglang bumukas ang pinto ng kusina at pumasok si Rax, bakas ang matinding pagkairita sa kanyang mukha.

"Fe, get Monica’s car keys. Sabihin mo, may emergency meeting ako at kailangan na niyang umalis. Now!"

Napatingin si Rax kay Ning na noon ay may hawak pang basahan. Sandali silang nagkatinginan, at doon nakita ni Ning ang pagod sa mga mata ng kanyang amo. Hindi lang ito galit, ito ay lito.

"And you, Dimalanta," tawag ni Rax sa kanya.

"Po, Sir?"

"Don't listen to anything she says. She's... delusional," maikling sabi ni Rax bago mabilis na lumabas uli.

Naiwang nakanganga si Ning.

"Delusional? Wow. Ibig sabihin, wala na talaga siyang pag-asa kay Sir! Manang Fe, game na! Sisimulan ko na ang Operation: Bye-bye Bruha!"

~ITUTULOY