Sa sala, parang bulkang sasabog ang tensyon. Nakaupo si Monica sa sofa, prenteng-prente habang tinitingnan ang kanyang bagong manicured na kuko, tila reyna na naghihintay ng balita. Si Rax naman ay nakatayo malapit sa bintana, pabalik-balik ang tingin sa hallway, ang kanyang panga ay nakakuyom sa sobrang irita. Panaka-naka siyang tumitingin sa kanyang Rolex, tila binibilang ang bawat segundo ng paghihintay.
"Rax, darling, stop pacing. You’re making me dizzy," maarteng sabi ni Monica, sabay irap.
"And really? That maid? Pinaghintay mo ako para lang kausapin ang isang hamak na utusan? I thought we had important things to discuss."
Hindi sumagot si Rax. Sa halip, narinig niya ang tunog ng mga yabag mula sa hallway. Hindi ito ang tipikal na tunog ng rubber shoes ni Ning na laging mabilis a
