ELLA'S POV....
APAT na ang aming mga anak ni Caleb ngayon. Hindi na rin namin sinundan ang bunso namin, dahil nag-aalala ang asawa ko sa aking kalusugan. Mula ng malaman niya ang nangyari kay Eve noon sa pangatlo nitong pagbubuntis ay natakot si Caleb para sa akin. Talagang mahal na mahal ako ng asawa ko at mas mahalaga pa rin sa kanya ang kalusugan ko, kaysa magparami ng lahi na una niyang pangarap.
Narito kami ngayon sa aming bahay bakasyunan. Isa itong Hacienda na pag-aari ng pamilya ni Caleb. Dito kami madalas magpunta na buong pamilya kung walang pasok ang mga bata sa school. Gustong-gusto kasi ng mga anak ko ang magpunta dito, para makapaglaro sila at makatakbo na walang inaalalang panganib. Dahil na rin sa katayuan namin sa buhay, kaya nagiging over protective din kaming mag-asaw
