“DAMN Sydney!” Hindi mapigilang magmura ni Rayven nang tumambad sa kanya ang paperbag na naglalaman ng damit at tuwalya niya na ibinigay nito sa kanya matapos niyang maligo. Salubong ang kilay at hindi maipinta ang mga mukhang isa-isa niyang inilabas ang lahat ng iyon at pakiramdam niya’y umusok na ang ilong niya sa nakita. “What the hell? Lahat talaga kulay pink? Bwisit!” Problemadong napahilamos siya sa mukha at naiinis na ginulu-gulo ang kanyang buhok. Mukhang pinagti-tripan at inaasar na naman siya ng babaeng iyon katulad ng madalas nitong gawin noong mga bata pa lang sila.
Naiinis man ay wala siyang choice kundi ang gamitin ang mga iyon. Ayaw pa niyang mamatay nang dahil lang sa lamig. Naiiling na isinuot na niya ang lahat ng iyon at bahagya siyang napangiwi nang makita niya ang r
