“YOU ARE my salvation but you will always be my greatest down fall.” Pagkatapos bitawan ni rayven ang mga masasakit na salitang iyon na dumudurog sa kanya nang mga oras na iyon ay tuluyan na siyang lumabas ng silid ni Sydney. Pagkasara niya ng pinto ay nanghihina sa matinding sakit at pagod na napasandal siya sa pinto.
Wala na. Tapos na. Tuluyan na ngang natapos ang lahat sa kanila ni Sydney. Hinding-hindi na siya magkakaroon pa ng pagkakataon na makasama ito. Hinding-hindi na niya ito makikita pa. Hinding-hindi na niya masisilayan pang muli ang mga magandang mukha nito at ang mga matatamis nitong ngiti. Hinding-hindi na niya maririnig pang muli ang mga halakhak at ang malamyos nitong boses. Hinding-hindi na niya ito mahahawakan pa.
Gustuhin man niyang manatili sa tabi nito ay hind
