SA KABILA ng pagkahilo at panghihina ay naramdaman ni Sydney ang paglapat ng kanyang katawan sa malambot na kama. Pilit niyang iminulat ang mga mata at nilabanan ang matinding antok upang tingnan kung sino ang taong nagdala sa kanya sa silid niya.
Nakita niyang nagtungo ang isang matangkad na lalaki sa banyo kaya naman ay hindi siya nagkaroon ng pagkakataon na makita at makilala kung sino ito dahil likod lang nito ang nakita niya. Nakangiwing napahilot siya sa sariling sentido. Ngayon ay ramdam na ramdam niya ang ang matinding pagsakit ng ulo niya, idagdag pang tila ay nahihilo at nanghihina siya.
Ilang sandali pa’y nakarinig siya ng mga papalapit na yabag kaya naman ay tahimik niyang pinagmasdan ang papalapit na lalaki sa kamang kinahihigaan niya. Pilit niya itong inaaninag at k
