“MA’AM, pasensiya na po bawal po talaga ang dumaan ngayon dito. Sa lakas po kasi ng ulan nagkaroon ng landslide sa ilang bahagi ng bundok at natabunan ang kalsada. Malalagay lang po kayo sa panganib kapag nagpatuloy at nagpumilit kayo.”
Napabuga siya sa narinig na si Sydney sa sinabi ng kaharap na lalaki, isa ito sa mga humarang sa sasakyan nila sa grupo ng mga taong nasa kalsada ngayon na naglalagay ng signages. Sa mga oras na iyon ay patuloy pa rin ang pagbuhos ng malakas na ulan. Hindi na niya inalintana ang ulan kahit na giniginaw na siya sa lamig.
“Hindi po ba agad malilinis at maaayos yung kalsada? Pwede po kaming maghintay.”
“Naku, kung patuloy ang ganitong buhos ng ulan ma’am mahihirapan tayo. Mas mabuti siguro kung bukas na lang kayo bumiyahe.”
Muli siyang napabunt
