PAGKATAPOS maisaayos lahat ni Sean ang mga dapat niyang ayusin gamit ang sariling private jet ay lumipad siya pabalik ng Pilipinas pagkalipas ng napakahabang panahon. Maraming beses niyang naisip noon na umuwi ng bansa para hanapin ang mga kapatid niya ngunit nagsisimula na ang football career niya at hindi pwedeng maging abala siya sa ibang bagay at malaman ng mga tao ang tungkol sa kanyang tunay na pagkatao o ang pagiging ampon. Sa kabila ng katanyagan at tagumpay sa larangan ng sports na napili niya ay pinanatili niyang confidential ang lahat ng impormasyon tungkol sa pagkatao niya. Gayunpaman ay hindi nakalimutan ni Sean ang lahat ng mga alaala na mayron siya mula sa tunay na magulang at mga kapatid. Hindi rin niya nakalimutan ang magsalita ng Filipino kahit sa London siya lumaki dahil
