UNANG pinuntahan nila ang Mount Carmel Shrine (Basilica of National Shrine of our Lady of Mount Carmel) sa Broadway Avenue New Manila Quezon City. Gustong gawin ni Matthew kay Priscilla ang mga bagay na ginawa sa kanya ng mommy at daddy niya noong bagong salta siya sa Manila.
"Sweetheart gusto ko ito ang una nating gawin at puntahan ang simbahan, noon ganito rin ang ginawa nila mommy at daddy para sa akin, nagpasalamat sila sa Diyos ng dumating ako sa buhay nila at ganoon din ako," saad ni Matthew kay Priscilla.
"Salamat at dito tayo unang pumunta gusto ko rin magpasalamat sa lahat ng magagandang bagay na nangyari sa buhay ko lalong-lalo na ang pagdating mo sa buhay ko," madamdaming saad ni Priscilla kay Matthew.
"Ako man ay napakarami kong bagay na dapat ipagpasalamat sa Kany
