ملك الاقتصاد والقط الاسود

الفصل الاول من (ملك الاقتصاد و القط الاسود) في فيلا الرفاعي....... تدلف والدتها الغرفه وهي تنادي عليها حتي تجعلها تستيقظ لتلحق بمحاضرتها فهي في السنه الرابعه من كليه الاعلام انها سنتها الاخيره تجتازها بمهاره فهي دائما الاولي علي دفعتها... تتقدم والدتها من النافذه وتبعد عنها الستار حتي تسمح للشمس بالدلوف.. فتتأفف قائله.. ....اقفلي الشباك ياماما والدتها( سعاد) : لا ويلا قومي بسرعه عشان تفطري وتنزلي انتي اتأخرتي قوي يا روما روما وهي تفتح عينيها ببطء : ليه هي الساعه كام سعاد : الساعه ثمانيه نهضت روما بفزع صارخه وهي تتوجهه الي المرحاض : كدا ياماما مش تصحيني من بدري هتأخر عندي محاضره ثمانيه ونص سعاد وهي تتجهه خارج الغرفه : انا بصحيكي من بدري خلصي يلا بسرعه وتعالي افطري انتهت روما من صلاتها وتوجهت الي الخارج بعد ان ارتدت ثيابها علي عجله.... خرجت من غرفتها لتجد والديها يجل**ن علي طاوله صغيره ينتظرونها لتناول الافطار معا كما تعودا دائما.. روما وهي تتجه الي والدها وتقبل يديه كعادتها : صباح الخير يابابا محمد والدها : صباح الخير ياحبيبتي يلا افطري روما : مش هقدر يا بابا متأخره علي المحاضره سعاد : كلي اي حاجه واشربي العصير مش هتخرجي وانتي مكالتيش اي حاجه روما لسه هتتكلم بس قاطعها صوت والدها : خلاص ياروما كلي واركبي تا**ي النهارده مش مهم الاتوبيس روما مستسلمه : حاضر.... .......روما فتاه رقيقه متفوقه في دراسته تحب الصحافه كثيرا لذلك دلفت الي كليه الاعلام لتحقق حلمها... سعاد و محمد والدي روما يعملان في فيلا الرفاعي محمد حارس الفيلا و سعاد مديره الفيلا او رئيسه الخدم... يسكنان في بدروم الفيلا.... ************************* يدلف الي الداخل بخطواته الواثقه وملامحه الغامضه يقف له كل من يراه احتراما وخوفا منه ايضا ينظر حوله ويجد كل من يقف له يضع رأسه لاسفل فتزداد ثقته في نفسه ويبتسم علي حالهم.... يمر من امام مكتب السكرتيره وهو في طريقه الي مكتبه تقف مسرعه وهي تلملم بعض الاوراق من علي مكتبها وتدلف خلفه وهي تحادثه .....صباح الخير يافندم الاوراق دي جت لحضرتك النهارده الصبح من شركه الناجي طالبين من حضرتك انك تتطلع عليهم من اجل الصفقه الي بين مجموعه الرفاعي وشركتهم ودي يافندم البوسته الي جت النهارده يلتفت لها بعد ان جلس علي مكتبه فنظر لها واشار بيديه بمعني ان تضع الاوراق امامه فلبت طلبه علي الفور فأشار لها مره أخري بالخروج ولكن اوقفها عند الباب ......ابعتيلي حسام بيه بسرعه مها (السكرتيره): حاضر يا فندم.... ثم غادرت بإشاره من يديه... فخرجت مسرعه لتخبر حسام بما امرها رئيسها يدلف بدون استأذن اليه يفتح الباب ويدخل بإندفاع... حسام : سمعت ان آسر باشا عايزني آسر وهو مازال ينظر للاوراق امامه : مش هتبطل الطريقه دي ياحسام قولتلك ميه مره تخبط علي الباب قبل ما تدخل كدا حسام وهو يجلس امامه : خليهم ميه واحد يا سيدي نظره من آسر كانت كافيله بجعله يعتدل في جلسته ويبتلع ريقه حسام : خير يا آسر آسر : عملت اي حسام : معرفتش اوصل لحاجه آسر : يعني اي واحد بيشتمني في الجريده ومش عارف توصل لاسمه حسام : مش بيظهر في الجريده الا بإسم مستعار وهو القط الاسود ومفيش اي معلومات عنه لان هو بيمدهم بالاخبار عن طريق الانترنت مش بيتعامل بشخصه ...وبعدين انت تقدر توقف المهزله دي بمكالمه تليفون تقدر تقفل الجرنال كله آسر : انا عارف مش محتاج تعرفني بس انا عايز اعرف مين الجرئ الي قدر يقول عني كدا ويشكك في مص*ر ثروتي ضحك حسام فنظر له آسر بإستفهام فحاول كبت ضحكاته وتحدث حسام : انت مشوفتش كاتب اي عنك النهارده آسر : كاتب اي أخذ حسام الجريده من علي المكتب ورفعها الي آسر ليقرأها آسر وهو يقرأء بصوت عالي والابتسامه علي وجهه آسر : ملك الاقتصاد من اين له كل هذه الاموال والثروات الطائله وهو لم يتعدي الثلاثين من عمره بعد كيف يصل الي ما وصل اليه بدون الخضوع الي احد الطرق غير شرعيه هل ظهر له مصباح علاء الدين ام الفانوس السحري تعالت ضحكات حسام فنظر له آسر بعد ان استطاع في تحويل ملامح وجهه الي الجمود آسر : لازم تعرفلي هو مين يا حسام حسام وهو يحاول السيطره علي نفسه : حاضر بس صاحب الجريده نفسه مش عارف آسر : بس انت لازم تعرف حسام : حاضر..... هتعمل اي مع شركه الناجي آسر : لسه حسام : هو اي الي لسه آسر : لسه مقررتش ياحسام هنفذ الصفقه دي ولا لا. انت عاملت اي في المناقصه الي احنا دخلناها حسام :**بناها لا ومشوفتش وش صاحبك وهو خارج هيولع آسر : هو الي غ*ي محدش قالو يتحدي آسر الرفاعي حسام : معاك حق ابن الشامي شايف نفسه آسر : وانا هعرف اجيبو الارض حسام : أحبك وانت شرس نظر له آسر فتحدث حسام مسرعا : انا خارج سلام آسر : سلام.. ..........آسر الرفاعي شاب في بدايه ال*قد الثالث من عمره يمتلك مجموعه الرفاعي التي تتحكم في اكثر من نصف اقتصاد البلاد مما يجعل الشك في كيفيه تكوين هذه الثروه الطائله.. حسام الرفاعي.. ابن عم آسر وصديقه المقرب وبئر اسراره وشريكه في مجموعه الرفاعي ولكن النسبه الاكبر ل آسر لذلك فهو المتحكم في اداره الشركات التي تنضم الي المجموعه... ************************* ...اتأخرتي كدا ليه ياروما روما وهي تسرع في خطواتها : معلش يا نهي صحيت متأخر ووقفت كتير عقبال ما لاقي تا**ي يلا بسرعه عشان المحاضره نهي : اهدي بس براحه الدكتور اعتذر نص ساعه روما وهي تقف وتلتفت لها : بجد طيب كويس كنت خايفه قوي عشان مكانش هيدخلنا نهي وهي تتقدم اليها وتضحك : اه وهو بيعزك جدا روما : اهدي ياحجه انا مش عارفه مبيطقنيش ليه رفعت لها نهي احدي حاجبيها فقالت روما بضحك روما : اينعم انا بطلع عينه وبخليه يشد في شعره بس دا مش سبب يعني يخلي دكتور زياد مش يطقني نهي : طيب يلا ياختي عشان هنتاخر ودكتور زياد هيعرفك اذا كان بيطيقك ولا بيعزك روما : يلا قبل ما يدخل وليلتنا تبقي كحلي نهي : بحبها سوده روما : يلا يامتخلفه هنتاخر... .........نهي.. فتاه طيبه القلب مرحه تحب روما بشده وروما تحبها هي صديقتها الوحيده حالتها الاجتماعيه متوسطه بئر اسرار روما...... ....في المحاضره.. روما بصوت هامس ل نهي حتي لايسمعها الدكتور : بقولك عايزه اشتري طقم جديد نهي بصدمه وبهمس : هو دا وقته يخربيتك روما : ياستي ما انتي عارفه دكتور زياد كدا كدا مش هنفهم ف بقولك عشان تعملي حسابك نهي : يابنتي اهدي هتودينا في داهيه انا عارفه انا هسقط بسببك انتي مبيتخفش عليكي ماشاء الله الاولي ديما روما : خمسه في عينك يا نونو وبعدين ما انتي الثانيه انتي هتخافي من الحسد وتقولي هتسقطي نهي لسه هترد.... بس صوت دكتور زياد وقفها زياد : اجبلكو قهوه ولا نسكافيه يا هوانم نظرت له روما ونهي في **ت زياد : مش اول مره تتكلمو في المحاضره وانا انبهكو انتو اي عايزين تتكلمو يبقي متحضروش روما : بجد بس يا دكتور الغياب نكزتها نهي في ذراعها وتحدثت بخفوت : الله يخربيتك اي الي بتقوليه ده زياد : لا متقلقيش من الغياب متقلقيش خالص انا ممكن احضرك وانتي نايمه في بيتكو روما : والله تبقي عملت معانا الواجب وزياده وتبقي اسم علي مسمي زياده وانت زياد ..واكملت مع ضحكه خفيفه نهي بخفوت : سقطنا زياد بصوت عالي : ررررررروما انتفضت روما ونهي في مكانهم فإبتلعت روما ريقها وقالت : سوري يا دكتور زياد : بحث عن المشردين وعايز مقارنه عن رجال الاعمال في البلد وياريت لو يبقي في موضوع عنهم وعن حياتهم وازاي نشئو نهي : يالهوي زياد : يكون موجود المحاضره الجايه نهي : بيهزر روما : لا دا بيفكر ان هو كدا بيعجزنا نهي : لا هو مش بيفكر هو فعلا بيعجزنا روما : سيبيها عليا متقلقيش نهي : انا مش بقلق الا منك اصلا زياد بصوت جهوري : واقفين قدامي وبتتكلمو بردو.. برره اطلعو بررره روما : خلاص طالعين........ وخرجت هي وروما... .......دكتور زياد... في ال*قد الرابع من عمره يحب روما لتفوقها العلمي ولكن هي تحب اثاره غضبه وجعله ويفقد السيطره علي نفسه ...ولكنه لا يريد اتخاذ اي اجراء ضدها لكونها متفوقه وهذه السنه الاخيره التي سيراها بها.... ******************** في فيلا الشامي..... ممدوح الشامي : قولتلك متعاندش مع آسر مازن : انا مش عارف انت ليه بتبعدني عنه مش كفايه ان هو واكل السوق لحسابه ومش سايبنا نشتغل ممدوح : ومين الي وصلنا لكدا مش حضرتك وبعدين انت مش ناوي تبعد عنه الا لما نروح في داهيه مازن : ليه ان شاء الله ممدوح : ما هو انت كدا تبقي غ*ي لو معرفتش آسر الرفاعي يقدر يعمل اي آسر ممكن يمحينا من علي وش الدنيا وهو قاعد مكانه خف اللعب معاه شويه عشان متتقلبش التربيزه عليك مازن : كل شويه ابعد عنه ابعد عنه مش كفايه الي عنده هو عايز اي تاني ممدوح : بدل ما انت قاعد تقول هو عايز اي تاني شوف هو بيعمل اي واعمل زيه ا**به في صفك احسن مايبقي ليك عدو مازن : بس انا مش هسكت له دا م**م يخسرنا ممدوح : بسبب تهورك وطمعك وحقدك الي مالي قلبك من ناحيه اسر. مازن بحقد : من واحنا في الجامعه و آسر الرفاعي هو الاول في كل حاجه حتي بعد التخرج وصل للي هو فيه دا بسهوله من غير تعب هو فيه اي احسن مني ممدوح : بينجح وبيكافح مش بيستني فلوس ابوه مش بيقعد يقول اشمعنا دا عنده ودا مش عنده ابعد عنه واتجنب شره مازن وهو يتركه : مش هسيبه ممدوح لنفسه : انا الي عملت فيك كدا وآسر زي ابوه دا غير انتقام آسر مني.... ..........ممدوح الشامي صاحب شركه الشامي العدو الاول هو وابنه مازن الشامي لآسر الرفاعي.... يتمكن الحقد منه من ناحيه آسر ووالده كان يعمل علي ايقاع والد آسر وتدميره وبالفعل نجح في ذلك بعد ان كان السبب في وفاه والده واتي ابنه ليكمل ما يزرعه الاب فهو يكن لآسر عداوه منذ الصغر وشاب علي الحقد والكراهيه لآسر....... *************************** في كافتريا الجامعه .... روما : هننزل بقي اي محل نجيب منه هدوم وخلاص نهي : الناس تقول ننزل المول وانتي تقولي اي محل روما : مول اي يا ام مول هو احنا بتوع الكلام ده نهي : علي رأيك.. بقولك انا هقوم اجيب حاجه نشربها روما : تمام هاتيلي موكا نهي : موكا.. الله يرحم روما وهي تقذفها بحقيبتها : غوري يابه غادرت نهي لتجلب ما يريدون بينما علي الجانب الاخر حيث يجلس مجموعه اصدقاء معا هبه : هنروح النادي يا هايدي هايدي : معرفش بس ممكن اصل انا هروح المول وبعدين هروح اعمل شعري ولو قدرت هاجي حازم : طبعا قائمه اعمال هايدي هانم مليانه هايدي : طبعا يابني انت متعرفش انا مين.. اتت الاجابه من خلفها وهو يسحب له كرسي ليجلس عليه ......طبعا حد في الدنيا ميعرفش مين هي هايدي الناجي هايدي : مازن الشامي بنفسه هنا مازن : تخيلي حازم : كدا كملت هبه : عامل اي يا مازن مازن : كويس اهو انتو عاملين اي من غيري هبه : مفلسين طبعا هايدي بغرور : الا انا مازن : احبك وانت معاك فلوس هايدي : طبعا مش بنت الناجي ....انت اي الي جابك مازن : كنت هنا بشوف واحد صاحبي وسمعت صوتك فقلت اجي اشوفك هايدي : لا فيك الخير مازن :طول عمري حازم : طيب شوفت المكتوب عن صاحبك في الجرنال مازن بإهتمام : آسر هو القط كتب تاني هز له حازم رأسه وتقدم له بالجريده فقرأها مازن ثم تعالت ضحكاته مازن : القط شكلو مش هيجيبها لبر هايدي : هو انت يا مازن متعرفش مين الي بيكتب عليه كدا مازن : تؤتؤ معرفش وحاولت اعرف موصلتش لحاجه آسر نفسه مش عارف يوصل لحاجه هبه : معقوله ملك الاقتصاد مش عارف يوصل لحته عيل بيهينه في الصحافه مازن : اي يعني ملك الاقتصاد اهو في واحد مطلع عينه ومبهدله كل يوم في الجرنال حازم : سيبك من الكلام دا الغذاء علي مين النهارده انت ولا هايدي مازن : طول عمرك بتدور علي الاكل حازم : هو انا ورايا غيرو....... ........كانت تستمع الي حديثهم ب**ت وشردت عندما سمعت اسم القط الاسود ظلت شارده هاكذا الي ان استمعت الي صوت نهي العالي نهي : رووووووووومااااا.. انتي يابنتي روما : في اي هو انا في الشارع التاني نهي : لا انا بقالي ساعه بكلمك وانتي مش هنا ..بتفكري في اي روما : ها.. مفيش يلا بينا نهي : مش هنشرب الموكا روما : لا يلا عشان منتأخرش نهي : يلا.... ..عندما ارتفع صوت نهي في النداء علي روما التفت من حولهم اليهم ولكن مازن ظل ينظر لهم بإهتمام وخصوصا الي روما مازن : عندكو وجوه جديده نظر حازم الي ما ينظر اليه : في حد في الجامعه ميعرفش روما مازن : وهو انا في الجامعه ياغ*ي تطلع مين روما دي هبه : دي روما اشهر بنت في الجامعه هي ونهي صاحبتها روما الاولي علي دفعتها الثلاث سنين ومتوقعين السنه الرابعه كمان مازن بإعجاب : لا هايل وهي تبقي بنت مين بقي هايدي بغيظ فهي لا تحب روما : بنت البواب مازن : نعم هايدي : اه ابوها بواب وامها خادمه مازن : وانتي عرفتي منين حازم : روما هي الي معرفه الكليه كلها لانها مش بتستعر من اهلها بالع** دي بتفتخر بيهم مازن بإعجاب واضح : حد يعرف عنوانها هبه بغمزه : اي هي الصناره غمزت ولا اي مازن : لا مش كدا بس عجباني حازم : اوعي يكون قصدك.. مازن : بالظبط هبه : روما ملهاش في سكه الصحوبيه يا مازن مازن : ابوها بواب وامها خادمه هي هتبقي اي هايدي بتأيد : صح يا مازن مازن : خلاص اعرفولي العنوان وانا هظبطها هايدي : سيبها عليا... مازن : اوك ***************************** يا روما رجلي وجعتني....... قالتها نهي وهي تستند علي احدي الجدران المحلات روما : خلاص يا نهي قربنا نخلص اهو نهي : لا انا تعبت دا اخر محل هندخله ولو ملقناش هنروح روما : طيب يلا....... كادت ان تدخل الفتيات المحل ولكن توقفت روما عندما شاهدت احدي الاطفال المشردين الموجودين دائما في الشوارع يجري بسرعه رهيبه وتجري خلفه سيده تصيح في الناس للامساك به... السيده : امسكوه امسكوه دا حرامي ...كانت تتابع روما الموقف بينما قالت نهي نهي : يلا يا بنتي ندخل روما وهي لم تلتفت لها : استني بس امسك الناس بالولد الذي لا يتعدي عمره السبع سنوات ولكن اصبح حرامي بسبب وجوده في الشارع وعدم وجود مأوي له ولا أسره ترعاه اخذت السيده شنطتها من الطفل وغادرت وكاد الناس ان يض*بوه لولا صراخ روما روما : خلاص سيبوه انتو مش عملتو أخذتو الشنطه احد الناس : بس دا حرامي روما : دا طفل مهما كان سيبوه تركه الناس وغادر وهم علي وجههم الاستنكار من حديث روما.... ولكن روما تقدمت من الطفل الذي يرتجف من الخوف ونزلت الي مستواه روما : انت كويس الطفل : اااااايي اايوه روما بإبتسامه : اسمك اي الطفل : المعلمه مسمياني هيما روما بإستغراب : معلمه هيما : ايوه المعلمه سعديه روما : ودي تقربلك اي هيما : لا مش تقربلي. دي تبقي المعلمه الي بتسرحنا في المنطقه وزعت روما نظراتها بين نهي والطفل ثم ابتسمت ونظرت الي الطفل مره أخري بينما قالت نهي نهي : موتي علي ايد البت دي ************************ حسام : يلا يا آسر آسر : ايوه هخلص الورق دا وهنمشي حسام : اوك....... قاطعهم صوت طرقات علي الباب فأذن آسر لمن بالخارج بالدلوف فدخلت مها مها : آسر بيه إبراهيم الناجي بره بيستأذن حضرتك للدخول نظر حسام الي آسر وقال : عايز اي آسر بإبتسامه علم منها حسام ان آسر يعلم السبب وراء الزياره : دخليه بعد ربع ساعه.... مها : تحت امرك يا فندم......ثم غادرت حسام : مش مرتاحلك ابتسم آسر بثقه ثم عاد الي ما كان يفعله من قبل.... .... #بقلم_شيماء طارق ابوتايب ......المواعيد هتبقي كل يومين .... .. اتمني اعرف رأيكو في البدايه