Jamie's POV
"SIR, ito na po 'yong coffee mo," walang gana kong sambit. Inilapag ko sa table niya ang tasa ng kape. Sa kabila ng lahat ng nangyari at nalaman ko, pinilit ko pa ring pumasok sa trabaho.
Umangat ng ulo si Zach at nakangiting tumingin sa akin. May pasa pa rin siya sa mukha ngunit hindi iyon nakabawas sa taglay niyang gwapo. Malakas ang kutob ko na hindi sa aksidente nakuha ni Zach ang mga pasa niyang iyon. Hindi naman kasi ganoon ang pasa kapag naaksidente ka.
"Okay ka lang Jam?" nagtataka nitong tanong. Bahagya na pala akong natulala.
"Okay lang po!" Pilit akong ngumiti at agad nag-iwas ng tingin sa kaniya. Wala talaga akong gana ngayon. Hindi ko pa rin kasi maiwaksi ang mga pangyayari. Kagabi ko lang napagtagpi-tagpi ang lahat.
"Hindi ka okay Jam, nararamdaman ko," giit
