"KAILAN ba ang uwi mo?"
"Baka sa mga susunod na buwan, Nay. Basta kung kailan matapos ang extention ng kontrata. Kapag nangyari 'yon, uuwi na talaga ako agad diyan sa bahay."
Iyon na lang ang ibinalita ko sa mga magulang nang sa wakas ay makatawag ako kagabi. Tama nga ako sa hinala kong alalang-alala sa akin sina Nanay at Tatay. Ga-muntikan na nga raw akong sundan ni Tatay sa Maynila para lang hanapin.
Wala na raw kaming utang. Settled na. Iyong sobra sa pinadalang pera ko ay gagamitin daw nila pampaayos ng bubong at dingding. Kapag kasi umuulan, lalo at bagyo ay talagang halos magiba ang aming bahay. Madalas kasi ay malalakas na signal ng bagyo ang tumatama sa aming lugar.
Naging panatag din ang loob ko at naging mahimbing ang tulog ko kinagabihan. Hindi pa ako nakakapagpasalamat ka
