ELISSA
MAINGAY na paligid, maraming tao at bumabaha ng alak. Iyon ang medyo eksaherado kong deskripsyon sa lugar na kinaroroonan namin ngayon ni Ate Selen.
Madilim ang paligid at tanging mga disco lights na iba-iba ang kulay ang tanging liwanag. Pagpasok pa lang namin sa loob ay marami agad ang bumati kay Ate Selen. Mapalalaki o mapababae ay iisa lang ang sinasabi ng mga ito. "Long time no fun," daw ito. Tumatawa si Ate Selen habang nag-e-explain. Busy raw sa pagma-manage ng resto. Pagkuwa'y ipinakilala ako sa mga kakilala nito.
"Who is this beautiful lady in black?" tanong ng isang lalaki na kanina ay napansin kong may kasamang dalawang babae ngunit nang palapit na sa gawi namin ay biglang iniwan ang mga ito. Halatang mabibilang sa masasabing mayayaman ang lalaki, ang presko ng datin
