ISANG linggo nang napupurnada ang aming plano. Matapos naming pag-usapan kung kailan at saan namin gagawin ay palagi na lamang mayroong dumarating na problema.
Putragis! Parang ayaw yata ng tadhana na mayroong mangyari sa amin ni Yevhen.
Nandoon ang pangyayari na papunta na kaming dalawa sa motel, pero mayroong board member na tatawag sa kaniya upang humingi ng tulong.
Wala tuloy akong magawa.
“Miss Masien, may problema ka ba?” tanong ni Eva sa akin habang kinakain namin ang paninda niyang crackers sa loob ng pantry room. Napatigil naman ako sa pagnguya bago ako nagbuntonghininga.
“Para kang babaeng hiniwalayan ng jowa. Nag-away ba kayo ng mapapangasawa mo?” pag-uusyoso niya kaya nakatikim siya sa akin ng masamang tingin kasunod ng pagbato ko sa kaniya ng hawak kong crackers. Napataw
