PINAYAGAN ko siyang bumalik sa Liazarde kahit na maraming nakakatakot na bagay ang pumapasok sa aking isip.
Paano kung hindi niya na ako balikan? Paano kung iwan niya na naman ulit akong luhaan?
Pero kasi. . . Tang ina.
Wala naman akong magagawa.
Asawa ko ang CEO ng MARIA Corporation. Hindi ko siya pwedeng itali sa baywang ko habambuhay.
Bumuntonghininga na lamang ako at saka ko kinalma ang aking sarili.
Kapapasok ko lamang sa loob ng bahay galing sa pagbabantay kay Ama sa hospital. Nakauwi lang din ako ngayon dahil pinalitan ako ni Devin at ni Levi, pero mamayang gabi ay naroon na naman ulit ako.
“Masien, kumusta na si Ama?” salubong na tanong sa akin ni Klein kaya napatigil ako sa paglalakad at napalingon ako sa kaniyang direksiyon.
Nakaupo siya sa couch pero nang magtama ang am
