Dahil sa nangyari sa akin noong kumuha kami nang ibang stocks sa storage room ay dinala ako sa clinic. Kahit nandoon ako ay hindi nila ako makausap nang maayos. Iyak lang ako nang iyak, kahit ako ay hindi ko rin alam kung ano ba ang nangyayari. Sobrang nanghihina iyong katawan ko tapos nanginginig din ito, lalo na ang mga kamay ko ay sobra na ang panginginig nito.
"Ihahatid ko na lang siya pauwi para makapagpahinga na siya muna," narinig kong sabi ni Sir Benedict na nasa clinic na rin. Mukhang nag-aalala na rin siya sa akin.
"Sige po, Sir," sagot naman ni Robi na nasa tabi ko habang inaalo ako. Nakayakap lang siya sa akin at pilit na kinakalma ako.
"Inumin mo muna ito, pangpakalma ito," sabi noong nurse roon sa clinic may inabot siya sa aking gamot kinuha ko naman iyon at ininom ko r
