Jonga's POV:
"Cosmo hindi ka ba natatakot sa akin? Baka mamaya ay may virus na pala ako, lapit ka pa nang lapit. Dapat doon ka na sa labas nag-aantay ng resulta. Hindi naman sa ayaw kitang makasama baka kasi iyon ang isipin mo. Nag-aalala lang talaga ako," maamong sabi ko kay Cosmo.
"Hindi ako nag-iisip ng ganoon ano ka ba. Ayoko rin lumabas, dito lang ako. Hindi ba at mga lalaki lamang ang tinatamaan? Walang dahilan para umalis ako at saka hindi rin naman ako mahahawa eh. Huwag kang OA ha, dito lang ako sa tabi mo. Hindi kita iiwanan," nakangiting sabi ni Cosmo.
Niyakap ako ni Cosmo kaya kumalma ang aking sistema. Mabuti na lamang at nasa tabi ko siya lalo na ngayon. Kahit alam kong posible ngang nahawa ako ay tinatatagan ko na lamang ang aking loob. Sana lamang ay negatibo si Barbie
