Nag Lig - Bloedgebonde Reeks Boek 2

Hoofstuk 02-1

Hoofstuk 02

Kat het beweeg sodat sy langs die venster staan. Sy wou so ver as moontlik van Quinn af weg wees. Sy het amper haar oë gerol toe sy sien haar skuif het hom direk in haar visie lyn geplaas. Sy het gewens Envy was hier. Sy het regtig nodig gehad om met die ander vrou te praat ... of net ‘n vrou oor die algemeen in teenwoordigheid te hê. Dit sou gehelp het om ‘n bietjie hulp en ondersteuning te hê in hierdie testosteroon geïnduseerde gesprek.

Toe sy die kamer deur kyk het sy besef dat nie al die hooflede van die poema gesin teenwoordig is nie.

“Waar is Micah en Alicia?” het Kat gevra met die wete dat hulle deel hiervan moet wees... wat dit ook al is.

Quinn het na Warren gekyk met ‘n uitdrukking wat hy gehoop het die jaguar sal lees tussen die lyne en by hom staan oor wat hy gereed gemaak het om te sê. “Alicia is by die koshuis en was nog nie weer tuis in ‘n maand se tyd nie en ons gaan haar nie in hierdie geveg intrek nie. Dis te gevaarlik vir meisies.”

Kat se uitdrukking het verder verdonker en sy het gereed gelyk om die poema gesin uitmekaar te ruk.

“En Micah?” het Warren gevra voor Kat tyd gekry het om ‘n oorlog te begin oor daardie laaste sin.

“Onbereikbaar,” Die woede in Quinn se stem het almal nuuskierig na hom laat kyk. “Ons het aanmekaar probeer maar hy weier om sy selfoon te antwoord.”

Steven het gesug oor Quinn se hardkoppigheid en het hom in die rede geval, “Micah is nou al meer as twee weke lank weg.”

“Wat?” het Warren baie kwaad geantwoord. “Hoekom het julle ons nie kom vra om hulp nie?”

“As gevolg van daardie verdomde joernaal,” het Kat geterg. “Heel duidelik was hy bang ons kon nie dit wat daarin staan hanteer nie as gevolg van ons klein-gevoeligheid.”

Michael het sy kop geskud en geweet dat totdat hierdie twee gesinne nie hulle verskille deurgewerk het nie, sal hy moet skeidsregter speel. “Oukei, terwyl ons aan die vampier probleem werk, kyk ons ook uit vir leidrade oor Micah se verdwyning.”

“Logika sê dat Micah wel sal terugkom op sy eie, soos altyd,” het Quinn skouers opgehaal.

Kat het weer by die venster uit gegluur terwyl sy nog stoom. Hoe durf Quinn daarop mik dat meisies nie betrokke moet raak nie? Hulle kan Alicia hier uit hou as hulle wil, maar hulle moet dalk aangesien sy soveel jonger is. Maar as hulle dit waag om haar te probeer keer, is hulle in vir ‘n groot verrassing. Die probleem was, nou was sy ook bekommerd oor Micah.

Quinn moes alles opsy geskuif het en hulle gebel het. Hy het geweet hulle sou help ten spyte van hul verskille. So wat daarvan as hul vaders mekaar vermoor het ... die sondes van die vaders behoort nie op hul kinders te val nie.

Al het sy dit nie geweet nie, het Warren stilweg met Kat saamgestem. Quinn moes hulle gekontak het die oomblik toe Micah verdwyn het. Hy was goed bewus van die ontploffende argumente wat die broers met mekaar kon aanvoer. Die meningsverskille het gewoonlik beteken dat Micha uitstorm en verdwyn vir ‘n klompie dae op ‘n keer ... maar nie weke nie.

Steven en Nick het kontak gehad oor die jare en Nick het hom op datum gehou oor die poema gesin. Wanneer Micah en Quinn baklei het, het Micah altyd vir Steven vertel waarheen hy gaan en of hy sou wegbly vir langer as een dag. Hierdie keer het Micah nie ‘n boodskap gelos by enigeen nie wat beteken hy sou nie so lank wegbly nie.

“Nadat ek en Steven daardie gevaarlike vampier nes by die kerk gekry het, dink ek niemand moet alleen uitgaan vanaand nie. Ons moet spanne maak,” het Quinn gesê en so die onderwerp verander.

Steven het snaaks gevoel toe die beeld van die meisie wat hy gekry het en wat verdwyn het deur sy gedagtes skiet. “Ek dink ek sal vanaand daarheen gaan en seker maak die kerk is nog skoon. Ons kon dalk iets gemis het.”

“Ek sal saam met Steven gaan,” het Nick aangebied want hy wou meer tyd saam met sy ou kattekwaad-maker-vennoot spandeer.

Kat het ‘n oomblik paniekerig gevoel toe sy stil somme maak. Michael sal sonder twyfel saamspan met Kane, en sy wil regtig nie saam met Kane span maak nie want hy is ver van stabiel. Dit los Warren en Quinn.

“Ek sal saam met Warren gaan,” het Kat aangebied.

“Nee,” het Warren haar reggehelp. “Ons het oë by die klub nodig.”

“Net omdat ek ‘n meisie is beteken dit nie ek kan nie myself help nie,” het Kat hulle gewaarsku en toe kalm by die vertrek uitgeloop.

Al die mans het gekrimp toe sy saggies die deur agter haar toemaak.

“Verdomp,” het Nick gefluister, “Ek wens amper sy het die deur geslaan.”

Steven en Quinn het Kat ‘n klompie jare lank nie gesien nie maar kon haar humeur heel goed onthou. Sy was kwaad .... nee, sy was ver verby kwaad. Sy was de hoenders in.

“Ek gaan Devon bel en hom inlig oor wat aan gaan,” het Warren gesê en sy selfoon uit sy voorste broeksak gehaal. Hy het dit gehaat om dit aan sy broer te doen, maar as hy nie sy boude by die huis kry nie, sal hy nie veel van ‘n huis hê om na toe te keer nie. Hy het ‘n nommer op spoedbel gedruk terwyl hy na ‘n ander deur wat na die kamer langsaan lei loop.

Warren het gewag terwyl die foon aan die anderkant aanhou lui. Uiteindelik het hy gehoor iemand tel op en ‘n gemompelde vloek het direk daarna gevolg.

“Wat die hel soek jy?” het Devon gevra en geklink of hy deur die slaap maar gelukkig is.

Warren het vinnig vertel wat gebeur het vandat Devon en Envy vertrek het, nog nie eers vier-en-twintig uur vroeër nie.

Devon het gesug, “Dammit, ek verlaat die dorp en alles verander in bollie.”

“Ek sal jou ‘n paar dae gee maar dan moet jy by die huis wees,” het Warren gesê. “Ek het ook nodig dat jy iets doen gedurende die volgende paar dae.”

“Wat’s dit?” het Devon gevra, nou effens wakkerder.

“Ek wil hê jy moet Kriss vra of hy ons sal help. Vertel hom Dean het reeds by ons span aangesluit maar ons gaan hom moontlik ook nodig hê. As jy moet, kry Envy om Tabatha te oortuig dat ons Kriss nodig het hier want volgens wat ek hoor, sal sy huis toe kom en die gevallene sal volg.”

“Ek sal kyk wat ek kan doen,” het Devon geantwoord. “Kriss is ‘n vreemde een. Hy loop op eie stoom, weet jy?”

Warren het geknik, “Dit herinner my aan iemand anders wat ek ken.”

Devon het gelag, “Regso, ouboet, maar ek maak geen beloftes nie.”

“Ek sien jou oor ‘n paar dae,” het Warren gesê en die oproep beëindig.

*****

Quinn het Kat gesien op een van die video stroom monitors teen die muur. Aangesien almal vir Warren gewag het om sy oproep te voltooi, het hy nader aan die monitors getree asof hy verveeld is. Verveeld is nie wat hy voel wanneer hy na Kat kyk nie.

Hy het gedink sy was mooi jare terug, maar hy het onderskat wat sy sou word. Oor die jare het hy na Kat gekyk oor ‘n afstand. Hy het selfs spioene gehuur om hier by Maan Dans te kom werk en terug rapporteer aan hom ... al het die laaste een wat hy gestuur het een van die moord slagoffers geword.

*****

Trevor het by Maan Dans ingestap en nie geweet of hy die plek wil afbreek of om sy woede in ‘n paar gallon alkohol moet verdrink nie. Hy het probeer om Envy te kontak maar sy het heel duidelik vir hom weggekruip. Tabatha en Kriss het moontlik ook hulle oproepe gesif, soos sy. Toe hy haar alwetende broer gevra het waar die hel Envy was, wou hy Chad se kop afruk omdat hy so vaag geantwoord het oor ligging.

Trevor het Kat raakgesien waar sy drankies bedien by dieselfde toonbank waar sy altyd werk. Hy het haar arm gegryp om haar aandag te trek maar die kyk wat sy hom gegee het, het hom vinnig laat terugstaan en gaan sit.

“Die spesiale aanbod vir skokkers is verby. Kan ek iets ander vir jou kry? Soos ‘n leeftyd se lidmaatskap by een van die ander kroeë?” het Kat haar ogies vir hom onskuldig geknip. Toe sy uiteindelik in sy oë kyk en die ellende daar sien swem, het sy haar skouers opgehaal, “Jammer, my regte teiken is buite bereik. Wat kan ek vir jou kry?”

Trevor het sy tempels met sy vingerpunte gevryf. Hy sal verlore wees as hy ooit die teenoorgestelde geslag kan verstaan. Dis nie asof hulle dit maklik maak nie. “Bietjie antwoorde sal lekker wees.”

“Soos?” het Kat hom aangespoor.

“Soos waar my meisie wegkruip.” Daar was ‘n wenkbrou wat effens lig terwyl hy gewag het.

“Jou meisie? Het jy Envy so vinnig vervang?” het Kat gegrinnik toe sy oë verander het na ‘n gluur. “O, jy verwys na Envy.”

“Jy dink?” het Trevor sarkasties laat hoor.

“Al wat ek weet is dat jou eks-meisie en my broer hier weg is op ‘n tipe wittebrood.” Kat het haar skouers opgehaal met die wete dat dit nader aan die waarheid is as wat Envy dink.

“Ek het gedog sy is saam met Tabatha en Kriss?” Trevor het sy bloeddruk gevaarlik voel styg terwyl hy gewonder het of Chad daaroor gelieg het.

Kat het hom vinnig ‘n glasie Hitte voorberei met die hoop dat dit die woede wat in sy oë flikker sal laat bedaar. “Sy is. Tabby en Kriss is ook daar.” Sy het die glasie tot voor hom laat gly. “Dis op die huis.”

Sy het hom dopgehou terwyl hy die inhoud van die klein glasie in sy keel af gooi en haar lippe het effens oopgegaan toe sy sien hoe die ligte bo hulle in sy nat oë blink waar ongestorte trane besig is om te vorm.

Dammit, dit suig. Sy was dadelik spyt sy tree so eselagtig teenoor hom op. Sy het gewens Quinn voel so oor haar. Dit sal goed wees as hy ‘n slag emosie wys waar dit haar aangaan of hoe sy oor hom voel. Hel, sy sal kan saamleef daarmee as Quinn haar verwerp, as hy net braaf genoeg was om dit vir haar in haar gesig te sê.

Sy het haar hand op Trevor se skouer geplaas en toe gedink aan ‘n manier om sy aandag af te trek en sommer ook ‘n jagmaat te kry, alles terselfdertyd.

Kat het geglimlag toe ‘n idee in haar brein begin vorm aanneem. Hy het haar nou die aand soort van reguit ‘n jaguar genoem, so hy lieg heel duidelik nie dat hy ‘n paranormale ondersoeker is nie. As dit dan ‘n weermag is wat die mans soek, is die minste wat sy kan doen om te help soek na mannekrag .... nè?

“As jy my sal verskoon, ek gaan myself gou ‘n goeie teiken vir die vampiere maak wat lyke op ons voorstoep los.” Sy het beweeg met die idee om die toonbank te loop maar Trevor het haar gewrig so vinnig gegryp dat sy hom nie eers sien beweeg het nie. Sy het eenvoudig net ‘n wenkbrou gelig en na haar gewrig gekyk. “Tensy jy my wil help, wil jy dalk my hand laat gaan.”

“Jy’s ernstig?” het Trevor gevra.

Hy het ook begin dink dat dit die vampiere was juis omdat daar deesdae ‘n oplewing in vampier geboortes is ... o, en die feit dat daar half vernielde slagtand merke op die slagoffers is. Die ongelukkige kant van hierdie storie is dat hy nog nie voorheen met vampiere moes werk nie ... net tydens opleiding. Hy moes rondhang tot Envy weer êrens opduik, so hoekom nie met die kompetisie se suster fuif nie?

Toe Kat knik en stadig haar hand wegtrek, het Trevor sy kop stadig geskud asof hy weet hy gaan spyt wees oor hierdie storie, “Gaan jou broers saam met jou?”

“O, hulle gaan ja, maar in verskillende rigtings.” Sy het haar mond getuit. “Blykbaar wou niemand in ‘n span wees saam met die meisie nie.”

So asof hulle haar punt wou bewys het Steven en Nick op daardie oomblik besluit om met die trap af te stap na die deur. Nick het Kat ‘n harde kyk gegee met die hoop dat sy die boodskap sou kry en doen wat Warren haar gevra het om te doen ... om hier te bly waar die veilig is. Hy het effens beter gevoel toe sy hom ‘n klein glimlaggie gee asof alles vergewe is.

Met ‘n vinnige blik na die trappe se deur, het Kat geknik, “Sien, dis twee-man spanne vanaand behalwe vir die onewe nommer ... ook bekend as ekke.” Sy het Trevor ‘n groot glimlag gegee asof sy nie omgee nie. “Maar dis alles reg, ek gee nie om om alleen te jag nie.”

Trevor het gegryns en sy arms gevou oor die toonbank. Hy het effens vooroor geleun en gewys Kat moet ook so maak en drie woorde gefluister.