THALIA POV
Kinagabihan. Habang nagliligo ako, bumubuhos sa akin ang maligamgam na tubig tila nililinis hindi lang ang balat kundi pati na rin ang bigat na kumakapit sa loob. Ngunit kahit ang singaw ng shower ay hindi nakapawi sa pag-e-echo ng mga salitang narinig ko kanina. Paulit-ulit silang bumabalik sa utak ko, gumagapang sa puso ko, at parang dinudurog ang pagkatao ko ng bawat isa.
Paglabas ko ng banyo, inalalayan ko ang sarili sa kumot ng damit. Nasa kama si Caspian, nakasandal sa headboard, mukha niya’y malamlam at tahimik. Nang mapansin niyang lumabas ako, napatingin siya may halo ng pagkailang sa mata niya. Pinili kong iwasan ang tingin at dahan-dahang lumakad papunta sa aparador. Kinuha ko ang damit na pangkomportable at lumapit sa maliit na ref sa kwarto para kumuha ng baso n
