2- اللقاء الأول
1134 Words
أصعب المعارك هي التي تدور داخل العقل بين القلب والمنطق "
"كل طريق له ثمن، وكل خيار يأخذ منك شيئًا ليمنحك شيئًا آخر "
" الحيره هي صراع بين ما نريد وما نخشى فقدانه "
.....
كان يجلس بغرفه مكتبه يفكر ماذا يمكنه ان يفعل يشعر بالحيره قلبه يقول لازم ان تبتعد حتى تحمي عائلتك و عقله يقول لابد ان تكمل ما بدأت به حتى لا يتأذى أحد بسببك وكان هو بالمنتصف ايستمع الى عقله ام قلبه ، ثم انتهى به المطاف وأمسك بهاتفه وقام بالاتصال على احد الارقام وظل صامتا ينتظر الرد حتى اتاه صوت خالد : ها فكرت ولا ايه !؟
كامل بعد ان انتصر عقله على قلبه : ايوه انا هكمل معاك . فهو لن يستطيع ان يضع حياه احد في خطر .
اكمل حديثه مع خالد يتفقون على عمليتهم القادمه .
....
بعد مرور عشرون عام
كان هناك الكثير من الحركه داخل فيلا كامل الالفي ولما لا فاليوم هو عيد مولد عليا الالفي ابنته الوحيده العشرون ، وكانت تقف ناديه مع منظمي الحفل حتى تشرح لهم ما سوف يفعلون ، ثم اتى كامل و وقف بجانبها وقال
كامل : هي عليا فين !؟
ناديه : لسه في الجامعه وانا قولت احاول اخلص قبل ما تيجي وقولتلها تجهز نفسها وتشتري فستان عشان عندنا فرح .
نظر لها كامل بتعجب : فرح مين !؟
ناديه : مفيش فرح ولا حاجه انا بس قولتلها كده عشان تجهز وتيجي عشان المفاجأه.
نظر لها كامل بمكر وقال : ما انتي بتعرفي تخططي اهو طيب هتعمليلي ايه بقى يوم عيد ميلادي .
نظرت له ناديه وقالت : دي مفاجأه بقى ومينفعش اقول وبعدين احنا فين وعيد ميلادك فين ده لسه شهرين .
كامل : يعني حبيت اوقعك في الكلام يا حبيبتي.
ناديه وهي تتوجه للمطبخ : لا يا حبيبي متقدرش تضحك عليا ابدا يلا هروح انا اشوف التورته جت ولا لسه .
ثم توجهت الى المطبخ حتى تتمكن من فحص جميع الحلويات والمشروبات .
....
في جامعه اعلام قسم صحافه كانت تجلس فتاه ذات عشرون عام في آخر سنه لها في الجامعه مع صديقتها المقربه التي قالت بحماس : احنا كده خلصنا كل المحاضرات يلا بقى تعالي هاجي معاكي انقيلك فستان للفرح ده .
عليا بزهق : انا مش عارفه الصراحه ايه الفرح اللي طلعلنا مره واحده ده .
ثم اكملت : بفكر اجيب بنطلون كلاسيك وخلاص وعليه اي باوزه وجاكيت كلاسيك برضو .
ردت نادين بسرعه : لا طبعا لازم تجيبي فستان .
نظرت لها عليا بشك وقالت : اشمعنا يعني فستان .
صمتت نادين للحظه ثم قالت وهي تنهض وتسحب يد عليا : عادي يعني شكلك بيبقى حلو فيهم تعالي معايا في اتيليه تحفه قريب من الجامعه جايب كوليكشن جديد روعه .
....
خرجت عليا من البروفه ترتدي فستان اسود اللون ضيق من الاعلى و يتسع قبل الركبه وترتدي حذاء بكعب اسود ، نظرت لها نادين وقالت : اسود يا عليا .
نظرت لها عليا بشك مره اخرى
عليا : ايوه اسود وفيها ايه ده انتي كنتي لابسه اسود في فرح اختك .
نادين بتذكر : اه صح طيب يلا بينا نروح الكوافير بقى .
....
نزلت عليا من سيارتها مرتديه فستانها الاسود تاركه شعرها البني الطويل منسدل على ظهرها و وضعت القليل من مساحيق التجميل ولكن كانت تبدو وكأنها خارجه من فيلم ديزني ، توجهت إلى باب الفيلا وفتحتها باستخدام مفتاحها الخاص ودلفت ولكنها شعرت بالقلق عندما وجدت الفيلا مظلمه تماما تقدمت للأمام
عليا بقلق : ماما انتي هنا !؟
ولكن لا رد فتقدمت مره اخرى وقالت بصوت اعلى : في حد هنا !؟
وفجأه اشتعل النور و وجدت والدتها و والدها يقفون امامها والكثيرين من الناس ومنهم نادين صديقتها وكانت الفيلا مزينه وكانت غايه في الجمال .
اقترب منها والدها وبجانبه ناديه وقاموا باحتضانها
كامل : كل سنه وانتي طيبه يا حبيبتي .
فتبعته ناديه : كل سنه وانتي طيبه يا حته من قلبي .
شددت عليا من احتضامهما و قالت بحب :وانتوا طيبين ربنا يخليكوا ليا بحبكوا اوي .
ابتعد عنها كامل واخرج علبه مجوهرات وقام بفتحها واخرج منها سلسله الماظ وعندما رأتها عليا اندهشت
عليا بحب : الله يا بابا دي حلوه اوي شكرا .
كامل بابتسامه : مفيش احلى منك يا حبيبتي .
ثم قام بتلبيسها اياها .
اقتربت منها نادين واحتضناتها وقالت بحب : كل سنه وانتي طيبه يا روحي .
عليا : وانتي طيبه .
ابتعدت عنها عليا ونظرت اليها
عليا : انتي كنتي عارفه صح ؟؟
نادين بتأكيد : ايوه اكيد .
عليا : طيب مقولتليش ليه بقى ؟
نادين : عشان كانت مفاجئه .
....
كان يجلس مع اصدقائه بالحفل يتحدثون بالعمل ثم دلف خالد الراوي متجها نحو كامل الذي هب واقفا حتى يحييه ثم قال
خالد : امال بنتك فين يا كامل كنت عايز اسلم عليها واديها هديتها مشوفتهاش من لما كان عندها خمس سنين .
كامل : اه طبعا تعال معايا وبعدين عاوزك في موضوع .
اخذه وتوجه ل عليا التي كانت تقف مع نادين صديقتها و وقف بجانبها
كامل : عليا حبيبتي ده عمو خالد شريكي في الشركه .
عليا بابتسامه : اه طبعا عارفه حضرتك يا عمو اتشرفنا .
خالد : الشرف ليا يا عليا يا بنتي انا قولت مينفعش يبقى عيد ميلادك ومجيش فجيت وجبتلك دي معايا ياريت تعجبك .
واخرج علبه من جيب معطفه فامسكت بها عليا وقامت بفتحها و وجدت بداخلها اسواره الماظ على شكل فراشه
عليا بابتسامه ممتنه : حلوه اوي يا عمو شكرا بجد .
خالد : العفو كل سنه وانتي طيبه .
عليا : وحضرتك طيب .
تحرك خالد و كان كامل بجانبه يتجهون لغرفه المكتب .
نادين : صاحب ابوكي ده شكله وقور في نفسه كده انتي عمرك ما حكيتيلي عليه ليه ؟؟
عليا : وانا هفتكره منين يعني هو بس لما جه افتكرت لما شوفته وكان عندي خمس سنين مش اكتر أصله عمره ما جه عندنا ولما كنت بروح لبابا الشركه كان بيبقى مش موجود على طول .
نادين بتفكير : جايز يكون عنده شغل تاني .
عليا :جايز وبعدين احنا مالنا بقى نفسي تبطلي الفضول ده.
نادين : لا يا حبيبتي انا كده على بعضي بفضولي ده اذا كان عاجبك ؟!
ابتسمت عليا :عاجبني طبعا .
....
رن هاتف عليا وكانت صديقتها من الجامعه قادمه الى الحفل و وصل اليها صوت صديقتها : ايوه يا عليا بقولك ايه انا مش عارفه اوصل .
عليا : طيب استني انا هطلع اقفلك بره .
خرجت عليا وكانت تنظر بهاتفها وفجأه اصتدمت بحائط بشري من قوته لم تشعر بوجهها ورفعت رأسها ونظرت له وجدته شاب في منتصف العشرون تقريبا شعره بني و عيونه بني فاتح و وسيم للغايه ثم ابعدت عينيها عنه و قالت عليا بغضب : ايه انتي مبتشوفش اعمى ولا ايه ؟؟
نظر لها بغضب هو الآخر وقال : انا برضو اللي اعمى ولا انتي !؟
عليا بغضب : المفروض الانسان وهو ماشي يبص قدامه .
فنظر لها وقال بسخرية : ده على اساس انك مكونتيش باصه في التليفون وانتي ماشيه يعني .
عليا بغضب : انت مالك امسكه ولا ارميه حتى وبعدين انت ايه اللي جايبك هنا داخل كده ولا اكن البيت ده له صاحب ممكن اعرف انت جاي هنا ليه !؟
- Writer
