4- بطريقه رسميه
1156 Words
دلف المشفى بسرعه وسأل موظفه الاستقبال عن المريضه عليا الالفي ، وصفت له الغرفه و صعد اليها وفتح الباب ثم رآها جالسه على السرير و بيدها بعض المحاليل ، اقترب منها وقال : عليا حبيبتي انتي كويسه ؟!
عليا بتعب بسيط : ايوه يا بابا انا كويسه هي خبطه صغيره.
كامل وهو يلعن خالد على ما فعله بابنته : ايه اللي حصل قوليلي ؟!
عليا : انا خرجت من الكليه و ركبت العربيه واتحركت وبعدين لقيت ان فيه عربيه ماشيه ورايا و بتحاول تخبطني حاولت ابعد عنها وفجأه لقيت نفسي بخبط في السور واغم عليا وصحيت لقيت نفسي هنا .
غضب كامل اكثر من خالد وعزم ان يذهب له بنفسه كي يوقفه عند حده و خرج من الغرفه والغضب يتتطاير منه .
...
كان يجلس خالد يعرف ان بالتأكيد سوف يأتي اليه كامل وما لبث حتى وجده يقتحم المكتب بغضب ويقول :انت اتجننت يا خالد ده انا هوديك في داهيه بقى تعمل في بنتي كده ومستني مني بعد كده اني اجوزها لابنك ده في احلامك .
خالد ببرود اعصاب : اهدى بس يا كامل كده و روق الموضوع مش مستاهل العصبيه دي كلها .
نظر له كامل بدهشه وقال : مش مستاهل !! انك تحاول تقتل بنتي ده شئ عادي كده . صمت ثواني ثم اكمل : انت فاكرني هسكت على اللي عملته ده وهعدي الموضوع ده انت وبقى بتحلم .
خالد ببساطه : طيب اهدى واسمع الكلام ومحدش هيجراله حاجه .
نظر له كامل وقال بتساءل : يعني لو مسبتش الشغل مش هتعمل لبنتي حاجه ؟!
خالد : لا مش قصدي انا عايز بنتك تتجوز ابني هو ده الموضوع كله .
كامل بصوت عالي : وانا قولت انه مش هيتجوزها .
دلف زين المكتب عندما سمع صوت زعيق كامل و وقف امامه وقال : عمو كامل ممكن بس تهدى وتيجي معايا وهقولك حاجه .
نظر له كامل ثم خرج من المكتب وتبعه زين و دلفوا مكتب زين وجلسوا فاردف زين : انا عارف ان حضرتك متضايق ومش موافق على الموضوع ده و حابب اقولك اني انا كمان مش موافق بس انا قلقان عشان ممكن يأذي اي حد .
كامل بحيره :طيب ازاي بس وهنقول ل عليا ايه ؟!
زين باقناع : ممكن تقولها انه جواز مصلحه وفتره وهنتطلق وانا بنفسي هتفق معاها و انه هيبقى جواز على ورق بس وسنه كده و نتطلق وكل واحد يروح ل حاله عقبال ما نقدر نفكر في طريقه نقنع بابا بيها .
نظر له كامل و اومأ له واردف : تمام موافق هستناكوا بكره.
....
دلف كامل غرفه عليا وكانت تجلس على السرير و تضع اللاب توب امامها وتقوم بعمل بحث للجامعه ، اقترب من السرير و جلس امامها قائلا بأسف : انا اسف يا حبيبتي اني مشيت من عندك بسرعه .
نظرت له ثم عادت بنظرها للاب مره اخره متجاهله وجوده ، ضحك على طريقتها تلك التي تستخدمها عندما تكن متضايقه منه .
حاول معها مره اخرى قائلا : يعني انتي لسه زعلانه مني ؟!
اومأت له ف قال كامل : وانا مقدرش على زعل حبيبتي ابدا وليكي عندي يا ستي هاخدك ونخرج يوم ايه رأيك ؟!
نظرت له وضعفت امام عرضه وابتسمت فقال كامل : اخيرا شوفت ضحكتك انا مش عايزك تزعلي تاني ابدا اوعي تسمحي لحد انه يزعلك او يهينك او اي حاجه انتي اقوي من كل ده .
نظرت له عليا وقالت : حاضر يا بابا .
كامل حتى يجذب انتباهها ويمهد لها موضوع الزواج : عليا .
رفعت عليا رأسها له وقالت : نعم يا بابا .
كامل : كنت عاوزك في موضوع يعني هي خدمه بس كبيره اوي بالنسبه لينا كلنا و .
وكاد يكمل حديثه حتى قاطعته عليا : قول يا بابا بدون مقدمات انت عارف اني بحب الكلام المباشر .
كامل : انتي جايلك عريس يعني حد طلب ايدك مني بس . ثم توقف هو حتى لا يستطيع اخبارها
عليا وهي تنتظر رده : بس ايه يا بابا كمل ؟!
كامل بتوضيح : يعني هو مش هيبقى جواز بجد يعني هيبقى جواز مصلحه انتي هتتجوزي ابن خالد شريكي عشان يعني نبقى نسايب والعلاقات بينا تكبر اكتر و ميحصلش خلاف بينا .
قال هذا ثم صمت ليستمع الى ردها .
عليا : يعني انا هتجوزه فتره وبعدين نتطلق وخلاص كده لا يا بابا انا مش فاهمه حاجه واكيد الموضوع مش كده . قالت وهي تحاول فهم ما قاله للتو .
كامل برجاء : فعلا يا عليا هو في حاجه تانيه بس مش هقدر اقولهالك دلوقتي بس انا بطلب منك يا بنتي انك تتجوزيه مش علشاني والله علشانا كلنا .
نظرت له وصمتت لوهله ثم تحدثت : تمام يا بابا انا هتجوزه ومش هسألك ليه حتى انا متأكده انك بتعمل كده عشان نبقى بخير كلنا .
عانقها كامل وقال بحب ابوي : شكرا يا حبيبتي .
....
كانوا يجلسون جميعهم عدا عليا التي كانت تحمل صنيه العصير و دلفت للصالون ولكنها لم ترى زين حتى الآن فهي كانت تخفض وجهها وقامت بالتقديم لخالد اولا ثم لزين ثم والدها و والدتها وجلست بجانب والدها ثم تحدث
خالد : طبعا بعد الولاد ما يتجوزوا هيعيشوا معايا في البيت .
كامل بتوتر : اه .....طبعا .
فهو حتى الآن غير راض عن قراره هذا .
ناديه : طيب مش نسيب الولاد مع بعض شويه ولا ايه ؟!
خالد: اه اكيد .
خرجوا ثلاثتهم حتى يتركوهم لمفردهم .
رفعت عليا رأسها وجدته امامها فنظرت له باستغراب وقالت : انت ؟!
نظر لها هو الاخر ودهشه وقال : مش معقول هو انتي عليا بنت عمو كامل ؟!
عليا بتساؤل : ايوه انا ، يعني انت كنت جاي يوم عيد ميلادي عشان تشوف عمو خالد ؟!
زين بغيظ : ايوه بس حظي بقى اني اشوف وشك .
عليا بغضب : لا والله طيب يلا اتكل بقى من هنا طلاما مش طايقني كده .
فنظر لها زين وقال : خلاص هسكت ، قوليلي حابه تسأليني عن ايه ؟!
عليا بسخريه : ده على اساس ان ده جواز بجد يعني ونسأل بعض بقى والهبل ده .
استغرب طريقتها تلك وقال : وليه مش جواز بجد مش هنكتب الكتاب ونعمل فرح .
عليا بسرعه :طيب انا عليا وانت زين صح ؟! بس كده ده اللي محتاجين نعرفه وعن اذنك بقى هطلع اوضتي عشان عندي مذاكره .
قالت وكادت ان تخرج ولكنه اوقفها وقال : عليا استني .
عليا : نعم ؟!
زين :لازم تقعدي شويه كمان عشان نقرأ الفاتحه وبعدين ابقي اطلعي .
عليا بارتباك : تمام .
فهي ولأول مره تتعرض لهذا الموقف بحياتها وتشعر بالقلق حول ما يحدث فهي كانت تريد ان تتزوج شخص يحبها وتحبه ليس زواج مصلحه مثلما يسمونه .
دلفوا جميعهم وبدؤوا بقراءه الفاتحه واتفقوا على ان تتم الخطوبه بعد يومين والفرح بعد شهر
....
داخل فيلا خالد الراوي وقف زين امام والده قائلا : لعلمك بقى يا بابا بطريقتك دي انا كده مستحيل اسامحك انت ازاي بجد تحطني في الموقف ده انا حاسس اني هكون السبب في تدمير حياتها .
خالد : وانت مالك انت اللي اقوله انا يتنفذ و عايزك تحاول تقرب منها طول فتره الخطوبه مش عايزك تعاملها وحش ابدا لاحسن تسيبك وساعتها الخطه هتبوظ بسببك انت يا زين ف خليك عاقل كده .
قال خالد و تحرك نحو غرفه مكتبه فنظر زين لظله
وقال : طول عمرك هتفضل قاسي كده يا بابا .
- Writer
