5- خطوبة
1715 Words
بدأ اليوم في فيلا كامل الالفي وللمره الثانيه كانت الحركه تملأ المكان فاليوم هو حفل خطوبه عليا الالفي وكانت عليا بغرفتها تتجهز من قبل مصففه الشعر وبعد انتهائها وقف واتجهت نحو غرفه الملابس واخرجت فستان موف غامق اللون طويل و به اكمام شفافه طويله جعلت مظهر الفستان اجمل بكثير .
بعد قليل بالخارج تجلس عليا تشعر أنها سلعه بيعت وقرر من اشتراها ان يرجعها للمتجر مره اخرى ولكن سيصبح لها لقب او اسم اخر وهو مستعمله ومهو ما يسمى في عالمنا مطلقه.
اما زين فكان يجلس تاره ويقف يسلم على البعض تاره ثم يجلس مجددا بصمت وحقا من يراهم يظن انهم مغصوبون على الزواج وهذه الحقيقه فهما ضحيه والديهما .
جاءت ناديه حامله علبه كبيره بيدها وهي الشبكه وكان سعرها يتعدى المليون جنيه ارتدوا الخواتم بدون حتى النظر الى بعضهما ثم جلسوا مجددا وجاءت نادين وقفت بجانب عليا وهمست قائله : طيب حتى كلميه قوليله اي حاجه الناس هتاخد بالها عارفه انك مش طايقه نفسك بس عشان الناس بس وطنط ناديه متشكش في حاجه هي كمان .
نظرت عليا لها و اومأت برأسها ف توجهت نادين ل ناديه تتحدث معها فهي تعتبرها والدتها لأن اهلها توفوا وهي صغيره و كانت تعيش مع جدتها و شقيقتها وبعد ما توفت جدتها و تزوجت شقيقتها ظلت وحيده ومنذ تعارفها على عليا وعائلتها اصبحوا هم كل ما لها بالحياه .
نظرت عليا ل زين وجدته شارد بالا شئ ف حاولت جذب انتباهه قائله : زين .
فنظر لها هو الآخر فأكملت : الناس بدأت تاخد بالها ان في حاجه غريبه وماما لو عرفت موضوعنا ده مش عارفه ممكن تعمل ايه ف تعالى نحاول نعمل اي حاجه نخلي الناس متقولش حاجه .
زين بتساؤل وبطريقه لطيفه : اه فعلا عندك حق طيب تحبي نقوم نرقص ؟!
ابتسمت عليا وقالت : اه اكيد .
نهضوا الاثنين و توجه زين للدي جي وطلب منه اغنيه حتى يستطيعوا بالرقص عليها و توجه لها وامسك يدها و بيد الاخرى وضعها على جنبها و هي ايضا مسكت يده وبيدها الاخرى وضعتها على رقبته وبدؤا بالرقص واصبح من يراهم يظن انهم عصفورين يعشقون بعضهم .
.......
انتهت حفله الخطوبه ورحل الجميع وقبل ان يرحل زين و والده طلب زين من عليا رقم هاتفها حتى يستطيع ان يتحدث معها واعطته له ثم ذهب .
......
صعدت عليا غرفتها وجلست على سريرها ونظرت بالمرآه وظلت تسأل نفسها : ايه ده ؟ ازاي دي انا ؟ احلامي راحت فين ؟ فين فتى احلامي ؟ فين قصه الحب اللي كان نفسي اعيشها ؟ هو اللي انا عملته ده صح ؟ ويا ترى يا بابا ايه السبب اللي يخليك تعمل فيا كده ؟ يارب عدي الموضوع ده على خير .
......
وصل زين منزله مع والده و كاد يصعد غرفته و لكن اوقفه والده قائلا : شاطر يا زين تعرف اني فخور بيك .
تساءل زين :اشمعنا يا بابا ؟!
خالد : عشان اللي عملته في الخطوبه انت خليت الناس تصدق ان الموضوع بجد .
سأله زين : طيب بابا انا عايز اعرف ايه السبب ورا سعيك للجوازه دي اكيد يعني مش عشان نزود العلاقه بينك وبين عمو كامل .
صمت خالد ثم قال بعد صمت : عشان لو انت اتجوزت عليا وبقت عندنا هنا في البيت كامل عمره ما هيفكر تاني في موضوع انه يسيب الشغل طول ما بنته تحت ايدي وهو عارف انا ممكن اعمل فيها ايه وانت عارف لو كاما ساب الشغل معانا مش هنقدر نعمل حاجه من غيره انا مقدرش اكمل الشغل ده من غيره فهو ده الحل الوحيد ولو انا سبته البوص مش هيسيبه .
اتصدم زين من تفكير والده مكنش متوقع انه ممكن يكون كده ازاي يستغل بنت بالشكل ده وملهاش اي ذنب .
زين : طيب يا بابا عن اذنك هطلع انام .
قال زين ثم صعد غرفته و جلس على سريره ونظر لمرآته وقال : ازاي في ناس ممكن تفكر كده ؟ ازاي انا مكنتش اعرف ابويا ؟ انا بجد مش مصدق و ليه نستغل بنت ملهاش اي ذنب ؟ يارب دلني انا مش عايز ائذيها ابدا .
......
في صباح اليوم التالي في احدى المباني البعيده عن مركز المدينه كان يجلس خالد الراوي مع شخص ما يظهر عليه الهيبه و واضح انه رئيس خالد و كامل و يدعى ( عاصم الغزالي )
عاصم الغزالي : ناوي بقى تنفذ المهمه الجديده امتى ؟
خالد : لسه شويه لما اتأكد ان كامل مش هيفكر يسبنا تاني .
عاصم : وده هيحصل ازاي بقى ؟
خالد : بعد شهر بالظبط عشان بعد الشهر ده كامل هيبقى خاتم في صباعي .
عاصم : نفسي اعرف انت ناوي على ايه يا خالد.
خالد : متقلقش يا بوص كله هيبقى تمام وقريب هتعرف كل حاجه .
.....
جلست عليا في المحاضره و بجانبها نادين التي تتحدث معها عن مواضيع مختلفه ثم صمتت عندما دلف دكتور الماده
تذمرت عليا : نفسي اعرف مين اللي اقنعه يبقى دكتور بجد ده ابرد انسان على وجه الارض انا مش بطيقه بجد.
نادين بسخريه : تعرفي يا عليا ان انتي كل محاضره بتقولي نفس الجملتين طيب غيري حتى المفردات بتاعتك .
عليا ب زهق : على فكره مش وقت هزارك ده خلينا نتنيل نشوف هيعمل ايه فينا انهارده وهيطلب مننا ايه .
نادين : تعرفي يا عليا ان دكتور امجد ده رغم انه مش اظرف حاجه لكنه الوحيد اللي عنده ضمير في شغله .
عليا : فعلا عندك حق طيب اسكتي بقى و ركزي في المحاضره .
....
خرجت عليا من المحاضره وجلست بالكافيتريا تنتظر معاد المحاضره الاخيره ثم وجدت رساله من رقم غير معروف
" عليا ازيك انا زين بقولك ايه رأيك نخرج انهارده نتغدى مع بعض و نتكلم شويه "
نظرت عليا للرساله ثم كتبت له " ماشي موافقه " لم تكد تغلق الهاتف حتى وجدت رساله اخرى " طيب هعدي عليكي الساعه ٧ تكوني جاهزه "
قرأت الرساله وكتبت " تمام هستناك "
....
امام فيلا كامل الالفي وقف زين بسيارته ينتظر خروج عليا وبعد دقائق خرجت من باب الفيلا وعندما رآها زين شرد بها فكانت ترتدي فستان يصل حتى الركبه لونه احمر و تاركه شعرها خلف ظهرها وتضع القليل من مساحيق التجميل التي ابرزت جمالها .
خرج زين من شروده و قال بابتسامه : شكلك حلو اوي .
ابتسمت له عليا وقالت بابتسامه : شكرا ده من ذوقك .
فتح لها زين باب السياره و جلست بالداخل ثم توجه هو الآخر لمقعد القياده و شغل السياره وتحرك بها .
....
كان يقف كامل امام نافذه غرفته يشاهد عليا وهي تركب السياره و يدعي بداخله ان يحميها الله من كل شر ويبعد عنها خالد وأفعاله .
....
في اكبر و اشهر مطاعم القاهره
كان يجلس زين بصمت وعليا كذلك تجلس امامه حتى قطع زين الصمت وقال : بتدرسي ايه بقى ؟!
عليا : بدرس اعلام قسم صحافه .
زين : حلو اوي انا كان حلمي وانا صغير ادرس صحافه .
عليا باستغراب : طيب وليه مدرستهاش ؟!
زين : عشان والدي كان عايزني ادخل اداره اعمال عشان اشتغل معاه وامسك شغل الشركات .
عليا بتفهم : هو عنده حق الصراحه اصل في الاخر انت اللي هتضطر تمسك كل حاجه انا بابا برضو كان عايزني ادخل اداره اعمال بس انا كنت واخده قراري من زمان اني ادخل اعلام وفعلا حققت حلمي ده .
ابتسم لها زين و جاء النادل و وضع لهم الطعام وبدؤا بتناوله وهم يتحدثون عن انفسهم وبعد انتهائهم من الطعام رن هاتف عليا وكانت المتصله نادين ف اعتذرت عليا وقالت : معلش مضطره ارد .
زين : اه طبعا اتفضلي .
اجابت عليا و وضعت الهاتف على اذنها وقالت : ايوه يا نادين .
نادين : ها ايه الاخبار قوليلي .
عليا بصوت منخفض : اخبار ايه بس ده وقته هو انتي متصله عشان كده ؟!
نادين : الصراحه اه وعشان حبيت اقولك اني حاليا عندك في البيت مستنياكي تيجي عشان تحكيلي كل حاجه بس مقدرتش استنى وقولت اتصل اعرف الاخبار منك دلوقتي .
عليا : طيب انا هقفل ولما اجي هنتكلم سلام .
اغلقت عليا الهاتف و وضعته على الطاوله وقالت : معلش اصل نادين صاحبتي دي لو مردتش عليها ممكن تلاقيها جايلنا هنا عادي .
ابتسم زين وقال : ايوه انا فاهم في صحاب بيبقوا فعلا مهتمين بينا يمكن اكتر من اهلنا كمان .
ابتسمت له عليا ايضا .
....
امام فيلا الالفي
خرجت عليا من سياره زين وخرج هو الآخر وقالت : شكرا بجد على خروجه انهارده انبسطت اوي .
زين : انا كمان انبسطت جدا نبقى نكررها تاني قريب .
عليا : ان شاءالله طيب اتفضل جوا نشرب حاجه .
زين : لا معلش انا لازم اروح البيت عشان عندي شغل لازم اكمله .
عليا : تمام اشوفك قريب .
ابتسم لها زين وركب سيارته وتحرك بها ودلفت عليا الفيلا وما ان دلفت حتى وجدت نادين امامها ف قفزت من مكانها وقالت بخضه : حرام عليكي يا نادين كنتي هتموتيني .
نادين ببراءه : انا ؟؟!!
عليا : ايوه انتي واقفه هنا ليه ؟!
نادين : مستنياكي يلا تعالي احكيلي كل اللي حصل .
وامسكت بها نادين وصعدت معها لغرفتها حتى تقص عليها عليا كل ما حدث .
....
في فيلا خالد الراوي دلف زين و وجد والده يجلس وامامه بعض الاوراق المتعلقه بالعمل فجلس امامه وقال خالد بتساؤل : كنت فين يا زين ؟!
زين : كنت مع عليا .
استغرب خالد وقال : عليا مين ؟!
زين : عليا خطيبتي انت نسيت ولا ايه ؟!
خالد : لا طبعا منسيتش بس استغربت يعني بالسرعه دي تتقابلوا وتخرجوا كمان ده انت مش بتضيع وقت خالص .
زين : هو مش حضرتك قولتلي اني لازم احاول اقرب منها و اتعرف عليها كويس .
خالد : اه بس بصراحه متخيلتش انك تسمع كلامي بالسهوله دي ده انت عشان تنفذلي حاجه في الشغل بتاعنا بتتعبني .
زين بتوضيح : عشان انا قولت لحضرتك يا بابا اني مش عاوز ادخل في الشغل ده انا بحب اشتغل في السليم بس حضرتك برضو مصمم انك تدخلني في شغلك ده .
خالد : بكره تفهم يا زين ان لولا الشغل ده مكنش زمانا في المكانه دي ولا عايشين العيشه دي .
زين : لا يا بابا احنا لولا الشغل ده مكانش زمان امي ماتت .
وقف خالد وقال بغضب : انا قولتلك يا زين اكتر من مره متجيبش سيره الموضوع ده انت مش فاهم حاجه .
زين بانفعال : لا يا بابا فاهم وفاهم كويس اوي انها ماتت بسبب شغلك ده و انك لو مكنتش بدأت فيه من الاول مكنش كل ده حصل .
خالد بغضب : لا انت ذودتها اوي كفايه كده يا زين نفسي مره واحده تقدر اللي بعمله عشانك .
زين بحزن : وانا نفسي يا بابا تفهم ان الشغل ده بيدمرنا مش بيرفعنا لفوق ولا حاجه .
نطق زين جملته الاخيره ثم صعد لغرفته حتى يهدأ قليلا ف هو انفعل قليلا على والده .
- Writer
